குளிர்காலம் தொடங்கி விட்டது - சளி பிடிக்காமல் இருக்க என்னென்ன செய்யலாம்ன்னு பார்ப்போம்

குளிர்காலத்தில் ஜலதோஷத்தை தடுப்பது எப்படி?

குளிர்காலத்தில் மூக்கு ஒழுகுதல், தலைவலி, உடல்வலி மற்றும் தொண்டை வலி ஆகியவை நம்மை அவஸ்தைப்படுத்தும் விஷயங்கள்.

நோய்வாய்ப்பட்டு நாள் முழுவதும் படுக்கையில் இருப்பதை யாரும் விரும்புவதில்லை. எனவே, மூக்கடைப்புக்கு நிவாரணம் அளிக்க மாத்திரைகளை எடுத்து நீராவி எடுத்துக்கொள்வதை விட, சளி தொடங்கும் முன்பே அதை நிறுத்துவது நல்லது. குளிர்காலத்தில் ஜலதோஷம் வராமல் தடுக்க சில விஷயங்களை செய்யலாம்.

கைகளை அடிக்கடி கழுவுங்கள்

உண்ணும் முன் அல்லது முகத்தைத் தொடும் முன் கைகளை நன்றாகக் கழுவ வேண்டும் என்ற முக்கியமான பாடத்தை கொரோனா நமக்கு கற்று கொடுத்துள்ளது. குளிர்காலத்திலும் நாம் அதைத் தொடர வேண்டும். சளியை உண்டாக்கும் வைரஸ்கள் பாதிக்கப்பட்ட நபரின் இருமல் மற்றும் தும்மலில் இருந்து பரவுகின்றன, அவை 24 மணி நேரம் கைகளிலும் பரப்பிலும் உயிர்வாழும். எனவே, உடம்பு சரியில்லாமல் இருக்க, சாப்பிடுவதற்கு முன் அல்லது உங்கள் முகத்தைத் தொடுவதற்கு முன் சோப்பு மற்றும் தண்ணீருடன் உங்கள் கைகளை நன்றாகக் கழுவுங்கள்.

நீர் சத்து முக்கியம்

பொதுவாக குளிர்காலத்தில், உங்கள் தினசரி நீர் உட்கொள்ளும் அளவு குறைகிறது. குளிர் காலநிலையால் தாகம் எடுப்பதில்லை, அதனால் தண்ணீர் அதிகம் அருந்துவதில்லை. அதைத்தான் இந்த சீசனில் தவிர்க்க வேண்டும். உடலில் உள்ள நச்சுக்களை வெளியேற்றவும், நோய் வராமல் தடுக்கவும் தண்ணீர் உதவுகிறது. எனவே, நீங்கள் ஆரோக்கியமாக இருக்க விரும்பினால் ஒரு நாளைக்கு குறைந்தது 2 லிட்டர் தண்ணீரைக் குடிக்கவும்.

சரியான அளவில் தூக்கம்

ஜலதோஷத்தை எதிர்த்துப் போராடவும் தடுக்கவும் போதுமான தூக்கம் நமக்கு அவசியம். தூக்கமின்மை அல்லது மோசமான தூக்கத்தின் தரம் வைரஸ்கள் மற்றும் தொற்றுநோயை எதிர்த்துப் போராடுவதை உடலுக்கு கடினமாக்குகிறது. அதனால் தினமும் 7 முதல் 8 மணி நேரம் தூங்குவதை உறுதிப்படுத்திக் கொள்ளுங்கள்.

உடற்பயிற்சி

உடற்பயிற்சி உடலை உறுதியாக வைத்து கொள்ள மட்டும் உதவவில்லை. இதோடு உடலில் நோய் எதிர்ப்பு சக்தியை அதிகரித்து ஜலதோஷம் வருவதையும் தடுக்கிறது. யோகா, தியானம், நடைபயிற்சி போன்றவைகளையும் செய்யலாம்.