அம்மாடியோவ்.... புளி சாறு குடித்தால் இவ்வளவு நன்மை இருக்கா? நீங்களே பாருங்க!

life-style-health
By Nandhini Jun 18, 2021 12:29 PM GMT
Report
101 Shares

புளிப்புச் சுவையைக்கொண்டிருந்தாலும் அமிர்தத்தின் சுவையைப் பிரதிபலிக்கும் உணவுக்கருவி புளி. சுவையின் பெயரிலேயே காரணப் பெயரைக் கொண்டிருக்கும் `புளி’ அஞ்சறைப் பெட்டியில் இருக்கும் ஒன்றாகும்.

புளியைப் பற்றி நினைத்ததும் நாவில் எச்சில் சுரப்பதற்கு, புளிப்புத் தன்மையுடைய ‘டார்டாரிக் அமிலம்’ அதிகளவில் குடியிருப்பதே காரணம். சுண்ணாம்புச் சத்து, ரிபோஃப்ளாவின், நியாசின், தயாமின் என அத்தியாவசிய நுண்ணூட்டங்கள் புளியில் நிறைந்துள்ளன.

புளியுடன் சர்க்கரை மற்றும் உப்பு சேர்த்துத் தயாரிக்கப்படும் பானத்தை ஆந்திராவில் அதிகமாகப் பருகுவார்கள். நன்றாகப் பழுத்த புளியம்பழத்தைப் பனைவெல்லம் சேர்த்து உருட்டி, இனிப்பாகச் சாப்பிடும் வழக்கமும் அங்கு உண்டு.

`பல், எலும்புகளைப் பாதிக்கும் ஃபுளூரோசிஸ் நோயைக் கட்டுப்படுத்தும் வலிமை புளிக்கு உண்டு’ என்று கள ஆய்வு ஒன்று புளியின் பெருமையைப் பேசுகிறது.

அம்மாடியோவ்.... புளி சாறு குடித்தால் இவ்வளவு நன்மை இருக்கா? நீங்களே பாருங்க! | Life Style Health

புளி அதன் சாறு வடிவில் உட்கொண்டு வந்தால் கிடைக்கும் நன்மைகளைப் பற்றி பார்ப்போம் -

சருமத்திற்கு

புளி சருமத்தின் பொலிவை அதிகரிக்கவும் உதவும். அதற்கு புளியை சுடுநீரில் ஊற வைத்து சாறு எடுத்து, அதில் சிறிது மஞ்சள் தூள் சேர்த்து கலந்து, முகத்தில் தடவி 10 நிமிடம் ஊற வைத்து கழுவ வேண்டும். புளிச்சாற்றில் எலுமிச்சை சாறு மற்றும் தேன் கலந்து, முகத்தில் தடவி 10 நிமிடம் ஊற வைத்து, பின் கழுவினால், முகச்சருமத்தின் நிறம் அதிகரிக்கும்.

இதய நோய்

தமனியை சுற்றி கொழுப்புகள் படிவதை தடுத்து இதயத்தின் செயல்பாடுகளை மேம்படுத்த உதவும். புளி ஜூஸை தொடர்ந்து பருகுபவர்களுக்கு இதய நோய் வருவதற்கான வாய்ப்பு குறையும்.

சிறுநீரகக் கற்கள்

சிறுநீரகக் கற்கள் உருவாகாமல் தடுக்கும் வல்லமை புளியின் ஜூஸில் இருப்பதாக `நியூட்ரிஷனல் ரிசர்ச்’ ஆய்விதழில் கூறப்பட்டுள்ளது. விலங்குகளிடையே நடத்தப்பட்ட ஆய்வில், குடல் புற்று செல்களின் வளர்ச்சியைப் புளி தடுப்பது தெரியவந்தது.

செரிமானத்திற்கு

இது செரிமானத்தை மேம்படுத்துகிறது. எனவே, செரிமான அமைப்பு பிரச்சினைகள் உள்ளவர்கள் அதை உட்கொள்ள வேண்டும். உடலின் ஒட்டுமொத்த ஆரோக்கியத்திற்கு, செரிமானம் ஆரோக்கியமாக இருக்க வேண்டும்.

குடலை சுத்தம் செய்ய

புளி சாறு குடலில் இருக்கும் நச்சுக் கழிவுகளை வெளியேற்ற உதவும். நார்ச்சத்து நிறைந்த, புளி உங்களை சில மணி நேரம் முழுதாக உணர வைக்கும். மேலும் உங்கள் உடலை உள்ளே இருக்கும் கொழுப்புகளை சுத்தம் செய்ய உதவும்.

புளி சாறு செய்யும் முறை -

  • புளியங் பழத்தில் இருக்கும் கொட்டைகளை நீங்கி விட்டு புளிச்சாற்றை பிழித்து அதை நாட்டு சர்க்கரை அல்லது தேனோடு கலந்து கொள்ள வேண்டும்.
  • தேவையான அளவு குளிர்ந்த நீரை அந்த கரைசலில் சேர்க்க வேண்டும்.
  • எலுமிச்சை துண்டுகளை அதில் பிழிந்து விட்டு, ஐஸ் க்யூப்களை கலந்து நன்றாக கரைத்துக் கொள்ள வேண்டும்.
  • இப்போது சத்தான புளி ஜூஸ் ரெடி.

இந்த பானத்தை தினமும் குடித்து வந்தால் உடல் எடை மிக விரைவாக குறையும்.