காக்கா,கழுகு: எந்த பிரயோஜனமும் இல்ல.. உழைப்ப பாருங்க ப்ரோ - லெஜண்ட் சரவணன் அறிவுரை!
Jiyath
in பிரபலங்கள்
காக்கா, கழுகு கதைகளால் எந்த பிரயோஜனமும் இல்லை, நாம் உழைத்தால் தான் உயர முடியும் என்று லெஜண்ட் சரவணா ஸ்டோர்ஸ் சரவணன் பேசியுள்ளார்.சூப்பர் ஸ்டார் விவகாரம்
தமிழ் திரையுலகில் உச்ச நட்சத்திரங்களாக இருப்பவர்கள் நடிகர் ரஜினிகாந்த் மற்றும் விஜய். இருவரும் அதிகம் சம்பளம் வாங்கும் நடிகர்களாகவும் இருந்து வருகின்றனர். சமீப காலமாக சூப்பர் ஸ்டார் பஞ்சாயத்து தான் தமிழ் திரையுலகில் பேசு பொருளாக உள்ளது.
'ஜெயிலர்' பட இசை வெளியீட்டு விழாவில் நடிகர் ரஜினி காந்த் சூசகமாகப் "காக்கா.. கழுகை தொந்தரவு செய்துகொண்டே இருந்தாலும், கழுகு அதைக் கண்டுகொள்ளாமல் உயரப் பறந்துகொண்டே இருக்கும்" என்று கூறியிருந்தார். இதையடுத்து 'லியோ' வெற்றி விழாவில் பேசிய நடிகர் விஜய் "ஒரு காட்டுல காக்க கழுகு, முயல், மான் காட்டுல இதெல்லாம் இருக்கும் தான.. அதுக்கு சொன்னேன் பா!." என்று சொல்லிச் சிரித்தார்.
மேலும், சூப்பர்ஸ்டார் என்றால் அது ஒருவர்தன் என்று கூறி சூப்பர்ஸ்டார் விவகாரத்திற்கு விஜய் முற்றுப்புள்ளி வைத்தார். ஆனால் நடிகர்கள் அமைதியாக இருந்தாலும், அவர்களின் ரசிகர்களின் சண்டை இணையத்தில் நாளுக்கு நாள் அதிகரித்துக்கொண்டே வருகிறது.
லெஜண்ட் சரவணன்
இந்நிலையில் நேற்று தமிழ்நாடு வணிகர் சங்கங்களின் பேரமைப்பின் தலைமை அலுவலகக் கட்டடத்தினை திறந்து வைத்த பின் செய்தியாளர்களிடம் பேசிய லெஜண்ட் சரவணா ஸ்டோர்ஸ் சரவணன் "கதைகளால் எந்த பிரயோஜனமும் இல்லை சினிமா துறை சிறப்பாக செயல்பட்டு வருகிறது.
அதில் காக்கா, கழுகு கதைகள், அவருக்கு இந்த பட்டம் இவருக்கு இந்த பட்டம் என்று சொல்வதால் யாருக்கும் எந்த பிரயோஜனமும் இல்லை. நாம் உழைத்தால் மட்டும்தான் உயர முடியும். நாம் உயர்ந்தால் நம் நாடும் உயரும்.
அன்பால் இணைந்து செயல்படுவோம்" என்று கூறியுள்ளார். முன்னதாக 'தி லெஜண்ட் ' என்ற படத்தின் மூலம் தமிழ் திரையுலகில் நடிகராக அறிமுகமான சரவணன், தனது அடுத்த படத்திற்கு தயாராகி வருகிறார் என்பது குறிப்பிடத்தக்கது.
