மெட்ரோ ரயிலில் டான்ஸ் ஆடிய பிரபல நடிகை - வைரல் வீடியோ உள்ளே
நடிகை லட்சுமி மேனன் ஓடும் மெட்ரோ ரயிலில் டான்ஸ் ஆடி வீடியோ இணையத்தில் வைரலாகியுள்ளது.
தமிழில் பிரபு சாலமன் இயக்கத்தில், விக்ரம் பிரபு நடிப்பில் வெளிவந்த‘கும்கி’ திரைப்படம் மூலம் அறிமுகமான நடிகை லட்சுமி மேனன் தொடர்ந்து சுந்தரபாண்டியன், குட்டி புலி, மஞ்சப்பை, நான் சிகப்பு மனிதன், ஜிகர்தண்டா, கொம்பன், வேதாளம், மிருதன் படங்களில் நடித்து பல இளைஞர்களின் கனவு கன்னியாக வலம் வந்தார்.
அதன்பின் மேல் படிப்பை தொடர வேண்டும் என்பதற்காக திரைப்படங்களில் இருந்து சில ஆண்டுகள் விலகி இருந்த அவர் பொங்கலை முன்னிட்டு வெளியான ‘ புலிக்குத்தி பாண்டி’என்ற படத்தின் மூலம் மீண்டும் தமிழ் சினிமாவில் என்ட்ரி கொடுத்துள்ளார். இதனிடையே நடிகை லட்சுமி மேனன் சமூக வலைதளமான இன்ஸ்டாகிராமில் மிகவும் ஆக்டிவாக இருப்பது வழக்கம்.
இந்நிலையில் ஆளில்லாத மெட்ரோ ரயிலில் டான்ஸ் ஆடும் இன்ஸ்டா ரீல்ஸ் ஒன்றை பகிர்ந்துள்ளார். இதில் ஜீன்ஸ் மற்றும் டீ சர்ட் அணிந்துள்ள லட்சுமி மேனன் இங்கிலிஷ் பாடல் ஒன்றிற்கு கூலாக டான்ஸ் ஆடுகிறார்.
