CSK அணிக்கு வருகிறாரா கே.எல்.ராகுல்? - அவரே சொன்ன தகவல்
Karthikraja
in கிரிக்கெட்
சென்னைக்கு விளையாட தயார் என கே.எல்.ராகுல் மறைமுகமாக தெரிவித்துள்ளார்.
2025 ஐபிஎல்
2025ஆம் ஆண்டுக்கான ஐ.பி.எல் தொடர் அடுத்த ஆண்டு ஏப்ரல், மே மாதங்களில் நடைபெற உள்ளது. இதற்கான ஏலம் டிசம்பர் மாதம் நடைபெற உள்ளது.
பெங்களூரு, பஞ்சாப், ஹைதராபாத் ஐபிஎல் அணிகளுக்காக ஆடிய இவர், கடந்த 2022 முதல் லக்னோ அணியின் கேப்டன் ஆக இருந்து வந்தார். ஏலத்திற்கு முன் தக்க வைக்கும் வீரர்களின் பட்டியலை ஐ.பி.எல் அணி நிர்வாகங்கள் வெளியிட்டது. இதில் லக்னோ அணி கே.எல்.ராகுலை தக்க வைக்கவில்லை.
கே.எல்.ராகுல்
சமீபத்தில் அளித்த பேட்டி ஒன்றில் பேசிய கே.எல்.ராகுல், "அணியில் யாரை தக்க வைக்க வேண்டும் என அணி நிர்வாகம் ஏற்கெனவே முடிவு செய்து விட்டனர். அதை பற்றி நான் விமர்சிக்க விரும்பில்லை. நான் புதிய பயணத்தை தொடங்க விரும்புகிறேன்.
சுதந்திரம் கிடைக்கும் இடத்தில் விளையாடவே விருப்பம். குஜராத், சென்னை போன்ற அணிகளை எடுத்து கொண்டால் தோற்றாலும் ஜெயித்தாலும் அவர்கள் எல்லாவற்றையும் ஒரே மன நிலையோடு பொறுமையாக கையாள்வார்கள். அந்த மாதிரியான சூழல் தான் வீரர்களை சிறப்பாக விளையாடுவதற்கு ஊன்று கோலாய் அமையும்" என பேசியுள்ளார்.
இதன் மூலம் சென்னை, குஜராத் அணிகளில் விளையாட தயார் என கே.எல் ராகுல் மறைமுகமாக விருப்பம் தெரிவித்தாக நெட்டிசன்கள் கருத்து தெரிவித்து வருகின்றனர்.
