அடேங்கப்பா... தமிழகத்தில் மட்டும் கேஜிஎஃப் - 2 படம் இத்தனை கோடி வசூலா? - வெளியான தகவல்

உலகமெங்கும் மிகவும் பிரமாண்டமாக ஏப்ரல் 14ம் தேதி, யாஷின் கே.ஜி.எப் 2 திரைப்படம் வெளியானது. கேஜிஎஃப் 2 ஆம் பாகம் தமிழ், கன்னடம், தெலுங்கு, மலையாளம், இந்தி ஆகிய 5 மொழிகளில் வெளியாகியுள்ளது.

இப்படத்தில் சஞ்சய் தத், ரவீனா டாண்டன், பிரகாஷ் ராஜ், ஸ்ரீநிதி ஷெட்டி உள்ளிட்ட பலர் நடித்துள்ளனர். இப்படத்தின் காட்சிகள், இருக்கையின் நுனியில் அமரச் செய்து ரசிகர்களை ரசிக்க வைக்கும்படி அமைந்துள்ளது. கேஜிஎஃப் 2 படத்திற்கான டிக்கெட்டுகள் லட்சக்கணக்கில் விற்பனையாகி வருகிறது.

பாக்ஸ் ஆபிஸில் மிகப்பெரிய கலெக்‌ஷனை கேஜிஎஃப் 2 திரைப்படம் பெற்றிருக்கிறது. 100 கோடி பட்ஜெட்டில் எடுக்கப்பட்ட இப்படம் ரிலீசுக்கு முன்பே போட்ட பணத்தை விட பல மடங்கு அதிகமான லாபத்தை பெற்றுவிட்டது.

100 கோடி பட்ஜெட்டில் தயாரிக்கப்பட்ட கேஜிஎஃப் 2 படம் உலகம் முழுவதும் 1000 கோடிகளை கடந்து வசூல் சாதனை செய்து வருகிறது. இந்தியாவில் மட்டும் இதுவரை 826 கோடிகளை கேஜிஎஃப் 2 வசூல் செய்துள்ளதாக தகவல் வெளியாகியுள்ளது.

இப்படம் அமீர்கானின் படத்தின் வசூல் சாதனையை முறியடித்துள்ளது. கே.ஜி.எஃப் -2 தற்போது, தமிழகத்தில் வெளியான டப்பிங் படத்திலேயே கே.ஜி.எஃப் - 2 ரூ 100 கோடிக்கு மேல் வசூல்செய்து கே.ஜி.எஃப்-2 சாதனை படைத்துள்ளது. அதோடு அதிக வசூல் செய்த முதல் டப்பிங் தமிழ் படம் என்ற பெருமையை இப்படம் பெற்றிருக்கிறது.