டெபாசிட் இழந்த வேட்பாளர்கள்.! அதிர்ச்சியில் கட்சி உறுப்பினர்கள்

புதுக்கோட்டை மாவட்டம் கறம்பக்குடி பேரூராட்சி 7வது வார்டில் அதிமுக வேட்பாளர் இப்ராம்சா ஒரு வாக்கு கூட பெறவில்லை என்பது பலத்த அதிர்ச்சியை அதிமுகவினருக்கு கொடுத்துள்ளது.

கறம்பக்குடி பேரூராட்சியில் மொத்தமுள்ள 15 வார்டுகள் 11 வார்டில் திமுக கூட்டணியும், அதிமுக, 2 இடத்திலும் சுயேச்சையாக போட்டியிட்டவர்கள் 2 இடத்திலும் வெற்றி பெற்றுள்ளனர்.

இந்நிலையில், அந்த பேரூராட்சியில் 7-வது வார்டில் திமுக சார்பில் ப.பரூக், அதிமுக சார்பில் முகமது இப்ராஹிம்ஷா, நாம்தமிழர், மார்சிஸ்ட் லெனினிஸ்ட், சுயேச்சைகள் உள்பட 6 பேர் போட்டியிட்டனர்.

அதே வார்டுக்கு உள்பட்ட பகுதியில் குடும்ப உறுப்பினர்களுடன் வசித்துவரும் முகமது இப்ராஹிம்ஷாவிற்கு , 1 வாக்கு கூட பதிவாகவில்லை என்பது புதுக்கோட்டை மாவட்ட அதிமுகவினரிடையே பெரும் அதிர்ச்சியை ஏற்படுத்தியுள்ளது.

மேலும் இதே வார்டில் மார்க்சிஸ்ட் லெனினிஸ்ட் வேட்பாளர் க.தர்மராஜ் என்பவரும் 1 வாக்கு கூட பெறவில்லை என்பது குறிப்பிடத்தக்கது.

இதனைப் போலவே சிவகங்கையில் 1-வது வார்டு பகுதியில் போட்டியிட்ட மக்கள் நீதி மய்யம் வேட்பாளர் செங்கோல் 1 ஓட்டு கூட வாங்காமல் படுதோல்வி அடைந்துள்ளார்.