பிரபல பாடகர் கே.கே. மரணம் - உடலில், தலையில் காயங்கள்.. - வெளியான தகவல் - ஷாக்கான ரசிகர்கள்

52 வயதான பாடகர் கிருஷ்ணகுமார் குன்னத் என்ற கே.கே தமிழ், தெலுங்கு, மலையாளம் உள்ளிட்ட மொழிகளில் பாடல்களை பாடியுள்ளார். 1990களில் அவர் பாடிய பால் மற்றும் யாரோன் போன் பாடல்கள் மிகவும் பிரபலமானது.

இவர் தமிழில் கில்லி,தாமிரபரணி,ஆடுகளம்,ஐயா உள்ளிட்ட 50க்கும் மேற்பட்ட தமிழ் படங்களில் பாடியுள்ளார்.

நேற்று இவர் கொல்கத்தாவில் நடைபெற்ற இசை நிகழ்ச்சிக்கு பின்னர் தங்கியிருந்த ஹோட்டலின் படிக்கட்டில் இருந்து தவறி விழுந்துள்ளார். இதனால் அதிர்ச்சி அடைந்த ஹோட்டல் ஊழியர்கள் உடனடியாக அவரை அருகில் உள்ள தனியார் மருத்துவமனையில் அனுமதிக்கப்பட்டார்.

அவரை பரிசோதித்த மருத்துவர்கள் அவர் மாரடைப்பால் இறந்துவிட்டதாக கூறினர். இவரின் மரணச் செய்தியை கேட்டு அவரது ரசிகர்களும், சினிமாத்துறையினரும் சோகத்தில் இரங்கல் தெரிவித்து வருகின்றனர்.

தற்போது, கொல்கத்தாவில் உள்ள ரபீந்திர சதனில் வைக்கப்பட்டுள்ள பிரபல பாடகர் கே.கே.வின் உடலுக்கு, மேற்கு வங்க முதலமைச்சர் மம்தா பானர்ஜி நேரில் சென்று அஞ்சலி செலுத்தினார். பாடகர் கே.கே. உடலுக்கு அரசு சார்பில், துப்பாக்கி குண்டுகள் முழங்க மரியாதை அளிக்கப்பட்டது.   

இந்நிலையில், கச்சேரி மேடையில் குளிர்சாதனம் வேலை செய்யவில்லை, வழக்கத்துக்கு மாறாக அவர் வியர்வையில் நனைந்தவண்னம் இருந்தார். மக்கள் கூட்டமும் அதிகமாக இருந்துள்ளது. குளிர்சாதனம் வேலை செய்யாமல் இருந்தது ஒருபுறம் இருந்தாலும், 2000 பேர் இருக்க வேண்டிய அரங்கில் 6 ஆயிரத்திற்கும் மேல் மக்கள் இருந்ததாகவும், கூட்டத்தினை கட்டுப்படுத்த தீ அணைப்பானை பயன்படுத்தியதே இவரது மரணத்திற்கு காரணம் என்று தற்போது சர்ச்சை எழுந்துள்ளது.

இந்நிலையில், பிரபல பாடகர் கே.கே. உடலில் காயங்கள் இருப்பதாக தகவல் வெளியாகியுள்ளது. இது குறித்து போலீசார் தீவிர விசாரணை மேற்கொண்டுள்ளனர்.