சவரனுக்கு ரூ.320 அதிரடியாக குறைந்த தங்கம் விலை - இன்றைய நிலவரம்

தங்கம் விலை சவரனுக்கு ரூ. 320 குறைந்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று அதிரடியாக குறைந்துள்ளது.

குறைவு

அதன்படி, 22 காரட் ஆபரணத் தங்கத்தின் விலை கிராமுக்கு ரூ.40 குறைந்து ஒரு கிராம் 5,550 ரூபாய் ஆகவும், சவரனுக்கு ரூ. 320 குறைந்து ஒரு சவரன் ரூ.44,400 ஆகவும் விற்பனையாகிறது.

18 காரட் ஆபரணத் தங்கத்தின் விலை கிராமுக்கு ரூ.33 குறைந்து ஒரு கிராம் 4,546 ரூபாய் ஆகவும், சவரனுக்கு ரூ.264 குறைந்து ஒரு சவரன் ரூ. 36,368 ஆகவும் விற்பனையாகிறது.

வெள்ளி விலை கிராமுக்கு 70 காசுகள் குறைந்து ஒரு கிராம் வெள்ளி ரூ.78.50 ஆகவும், ஒரு கிலோ வெள்ளி ரூ.78,500ஆகவும் விற்பனை செய்யப்படுகிறது.