இடுப்பு மேலே பிரச்சனை இருக்கு...மாரிமுத்துவை அப்பவே எச்சரித்த ஜோதிடர்..!!

நடிகர் மாரிமுத்து உயிர்இழந்துள்ள நிலையில், தனியார் தொலைக்காட்சியில் ஜோதிடர் ஒருவர் அவரை எச்சரித்த ஜோதிடர் குறித்த வீடியோ தற்போது இணையத்தில் வைரலாகி வருகின்றது.

நடிகர் மாரிமுத்து

சின்னத்திரையில் தற்போது அனைவரின் கவனம் ஈர்த்த முக்கிய நடிகர் என்றால் அது மாரிமுத்து தான். இந்த மா ஏய் என்ற ஒற்றை வசனம் அவரை புகழின் உச்சிக்கு கொண்டு சென்றுள்ளது. சின்னத்திரையில் பிரபலமாக இருந்து நிலையிலும்,அவர் வெள்ளித்திரையிலும் தொடர்ந்து படங்களில் முத்திரை பதித்து வந்துள்ளார்.

பாடலாசிரியர், இயக்குனர், நடிகர் என பன்முகத்தன்மை கொண்ட மாரிமுத்து இன்று காலை திடீரென நெஞ்சுவலி ஏற்பட மருத்துவமனைக்கு அழைத்து செல்லப்பட்ட நிலையில் உயிர் இழந்துள்ளார். இந்த செய்தி தற்போது பெரும் அதிர்ச்சியை ரசிகர்களுக்கு ஏற்படுத்தியுள்ள நிலையில், தற்போது நிகழ்ச்சி ஒன்றின் வீடியோவும் வைரலாகி வருகின்றது.

எச்சரித்த ஜோதிடர்

தமிழா தமிழா நிகழ்ச்சியில் ஜோதிடத்தை எதிர்த்து மாரிமுத்து பேசிய வீடியோக்கள் இணையத்தில் மிகவும் வைரலாகின. அந்நிகழ்ச்சியில் ஜோதிடர் ஒருவர், அவரின் ஜாதகம் கேட்க அது தன்னிடம் இல்லை என்றும் அதனை கிழித்து விட்டதாக மாரிமுத்து தெரிவித்திருந்தார்.

அதனை தொடர்ந்து, ஜோதிடர் ஒருவர், உங்களுக்கு இடுப்பிற்கு மேல் பிரச்னை இருக்கிறதா என கேட்டார்.அதற்கு பதிலளித்த மாரிமுத்து தனக்கு இடுப்பிற்கு மேலே இதயம் தான் துடிக்கிறது என பதிலளித்தார். தற்போது, அவர் மாரடைப்பின் காரணமாக உயிர் இழக்க இந்த காணொளி வைரலாகிறது.