கர்ணனை போல வாரி வழங்கிய இமான்..6 நரிக்குறவ குடும்பங்களுக்கு செய்த உதவி
Karthick
in பிரபலங்கள்
பிரபல இசையமைப்பாளர் டி.இமான் நரிக்குறவ சமூகத்தை சேர்ந்த 6 குடும்பங்களுக்கு உதவி தற்போது அனைவரது பாராட்டுகளையும் பெற்று வருகின்றார்.
இமான்
தமிழ் திரையுலகில் தனக்கென தனி பாணியை உருவாக்கி அடுத்தடுத்த ஹிட் பட பாடல்களை அளித்து வருபவர் டி.இமான். இவரது இசையமைப்பில் வெளியான மெலோடி பாடலுக்கு ரசிகர்கள் மத்தியில் நல்ல வரவேற்பு கிடைக்கும்.அதிலும் கும்பி திரைப்படம் இவரது திரைப்பயணத்தில் மிகப்பெரிய ஹிட் படமாக அமைந்தது.
2001ம் ஆண்டு விஜய் நடித்த தமிழக் திரைப்படத்தின் மூலம் ஆரம்பித்த இவரது பயணம் வெற்றிகரமாக சென்று கொண்டிருக்கிறது. தமிழை தாண்டி கன்னடம், மலையாளம், தெலுங்கு மற்றும் ஹிந்தி பட படங்களில் இசையமைத்திருக்கிறார்.பல விருதுகள் பெற்றுள்ள டி.இமான் இதுவரை 100 படங்களுக்கு மேல் இசையமைத்திருக்கிறார். இசையமைப்பாளர் என்பதை கடந்து இவர் அவ்வப்போது நற்பணிகளை செய்த்தும் ரசிகர்களிடம் நல்ல பாராட்டுகளை பெற்று வருகின்றார்.
6 குடும்பங்களுக்கு உதவி
அதன் ஒரு நீட்சியாக தற்போது கடலூர் மாவட்டம் நெய்வேலி மந்தாரக்குப்பம் அருகே உள்ள பெரியாக்குறிச்சி பகுதியில் 30 க்கும் மேற்பட்ட நரிக்குறவர் குடும்பங்கள் பல ஆண்டுகளாக வசித்து வருகின்றனர். இவர்கள் தங்கியுள்ள வீடுகள் அனைத்தும் முற்றிலும் சேதம் அடைந்த காணப்பட்டது.
இந்நிலையில் இதுகுறித்து தகவல் சமூக ஆர்வலரான செல்வம் உமா மூலம் தகவல் அறிந்த இசையமைப்பாளர் இமான் ரூபாய் இரண்டு லட்சம் மதிப்பீட்டில் அப்பகுதியிலுள்ள ஆறு குடும்பங்களுக்கு குடிசை வீடுகள் சீரமைத்து மூன்று வீடுகளுக்கு தார்பாய்கள் மற்றும் மாணவர்களுக்கு இரவு நேர பாடசாலை தொடங்கி வைத்து நோட்டு புத்தகங்கள் வழங்கினார்.
