பஞ்சாபை சாம்பியனாக்கினால் இந்த பொறுப்பு ஸ்ரேயாஸ் அய்யருக்குத்தான் - ராபின் உத்தப்பா
Sumathi
in கிரிக்கெட்
ஸ்ரேயாஸ் அய்யர் குறித்து சில முக்கிய கருத்துக்களை ராபின் உத்தப்பா கூறியுள்ளார்.
ஸ்ரேயாஸ் அய்யர்
18வது ஐபிஎல் 2025, 20 ஓவர் கிரிக்கெட் போட்டி மார்ச் 14-ந் தேதி முதல் மே 25-ந் தேதி வரை நடக்கவுள்ளது. இதற்கிடையில், வீரர்களுக்கான மெகா ஏலம் சவுதி அரேபியாவில் உள்ள ஜெட்டா நகரில் நடைபெற்றது.
இதில் கொல்கத்தா அணியின் முன்னாள் கேப்டனான ஸ்ரேயாஸ் அய்யரை ஏலத்தில் எடுக்க பஞ்சாப் மற்றும் டெல்லி அணிகளுக்கு இடையே கடும் போட்டி நிலவியது. கடைசியில் அவரை ரூ. 26.75 கோடிக்கு பஞ்சாப் கிங்ஸ் அணி ஏலத்தில் எடுத்துள்ளது.
உத்தப்பா கருத்து
இந்நிலையில் இதுகுறித்து பேசியுள்ள இந்திய அணியின் முன்னாள் வீரரான ராபின் உத்தப்பா, ஸ்ரேயாஸ் அய்யர் சாம்பியன்ஷிப் வென்ற அணியில் இருந்து எந்த ஒரு சாம்பியன் பட்டத்தையும் வெல்லாத பஞ்சாப் அணிக்கு செல்கிறார்.
அங்கு அவருக்கு ஒரு நல்ல சவாலாக இருக்கும். ஒருவேளை பஞ்சாப் அணி இவரது தலைமையில் பட்டம் வென்றால் அடுத்த இந்திய அணியின் கேப்டனாக ஸ்ரேயாஸ் அய்யர் இருப்பார் என்பதில் எனக்கு எந்த விதமான சந்தேகமும் இல்லை எனத் தெரிவித்துள்ளார்.
