டிஜிபி சைலேந்திரபாபு சம்பளம் குறித்து சர்ச்சை பேச்சு - எச்.ராஜா மீது காவல் நிலையத்தில் புகார்

டிஜிபி சைலேந்திரபாபு சம்பளம் குறித்து சர்ச்சைக்குரிய வகையில் பேசிய எச்.ராஜா மீது நடவடிக்கை எடுக்க கோரி காவல் நிலையத்தில் புகார் அளிக்கப்பட்டுள்ளது.

எச்.ராஜா மீது புகார் 

நாடுமுழுவதும் நடைபெற்ற என்.ஐ.ஏ சோதனைக்கு பிறகு, தமிழ்கத்தில் பல்வேறு இடங்களில் பெட்ரோல் , மண்ணெண்ணை குண்டுகள் வீசப்பட்டன.

சிசிடிவி கேமிராக்களை ஆராய்ந்து, பல்வேறு விசாரணைகள் மூலம் குற்றவாளிகள் கைது செய்யப்பட்டு வருகின்றனர். ஆனால், இதற்கு சரியான நடவடிக்கை எடுக்கவில்லை என பாஜகவினர் சிலர் குற்றம் சாட்டி வருகின்றனர்.

இது குறித்து கருத்து தெரிவிக்கையில் பாஜக மூத்த தலைவர் எச்.ராஜா, ‘ டிஜிபி சைலேந்திரபாபு அரசாங்கத்திடம் சம்பளம் வாங்குகிறாரா? அல்லது பி.எப்.ஐ ( பாப்புலர் ஃபிராண்ட் ஆஃப் இந்தியா) விடம் சம்பளம் வாங்குகிறாரா என தெரியவில்லை.’ என பேசினார்.

எச்.ராஜா பேசியது மிகுந்த சர்ச்சையை கிளப்பியது. இதுகுறித்து காரைக்குடி டிஎஸ்பியிடம் நவ்ஷாத் அலி என்பவர் புகார் அளித்துள்ளார்.