58 மணி நேரம் தொடர்ந்து முத்தம் - போட்டியை நிறுத்திய கின்னஸ் அமைப்பு!

உலகின் மிக நீண்ட முத்தப் போட்டியை கின்னஸ் அமைப்பு நிறுத்தியுள்ளது.

 முத்தப் போட்டி

உலகின் மிக நீண்ட முத்ததிற்கான போட்டிகள் கடைசியாக கடந்த 2013ஆம் ஆண்டு நடைபெற்றது. அதில், தாய்லாந்தை சேர்ந்த ஏக்கச்சாய் லக்‌ஷனா திரானரத் தம்பதியினர் சுமார் 58 மணி நேரம் முத்தமிட்டு உலக சாதனை படைத்தனர்.

தற்போது வரை சுமார் 9 ஆண்டுகளாக மிக நீண்ட முத்தமாக இருக்கிறது. இந்நிலையில், இந்த பிரிவில் எந்த போட்டிகளும் நடைபெறாது என்று கின்னஸ் அமைப்பு அறிவித்துள்ளது. மேலும், போட்டியாளர்களை மன ரீதியாகவும் உடல் ரீதியாகவும் பாதிக்கும் என்பதால் இந்த முடிவுக்கு வந்துள்ளனர்.

கின்னஸ் முடிவு

போட்டிக்கான விதிகள் மிக கடுமையாக உள்ளன. எனவே இனியும் இந்தப் போட்டியை நடத்துவதற்கு சாத்தியமில்லை. இனி, போட்டியின் போது குறிப்பிட்ட அளவு இடைவெளியில் 5 நிமிடம் ஓய்வு கொடுக்க முடிவு செய்யப்பட்டுள்ளது.

அதில், போட்டியாளர்கள் உண்பது, தூங்குவது, இயற்கை உபாதைகள் கழிப்பது போன்ற செயல்களில் ஈடுபடலாம். முத்தத்தில் இருந்து போட்டியாளர்கள் தங்கள் உதடுகளையும் பிரித்துக் கொள்ளலாம்.

இதன்மூலம் போட்டியாளர்களுக்கு ஏற்படும் மன உளைச்சல் மற்றும் வலி ஆகியவற்றில் இருந்து நிவாரணம் கிடைக்கும் என விதிகளிலும் மாற்றம் கொண்டுவரவுள்ளதாக விளக்கமளிக்கப்பட்டுள்ளது.