தொடர்ந்து உச்சத்தில் தங்கம் விலை - இல்லத்தரசிகள் கலக்கம்

தங்கத்தின் விலை சவரனுக்கு ரூ.40 உயர்ந்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று அதிரடியாக உயர்ந்துள்ளது.

இந்தநிலையில் சென்னையில் ஆபரணத் தங்கத்தின் விலை இன்று (புதன்கிழமை) கிராமுக்கு ரூ.5 உயர்ந்து ரூ.5,605-க்கு விற்பனையாகிறது. சவரனுக்கு ரூ.40 உயர்ந்து ரூ.44,840-க்கு விற்பனையாகிறது.

24 காரட் சுத்த தங்கத்தின் விலை 8 கிராம் ரூ.48,496-க்கு விற்பனையாகிறது. இதேபோல், வெள்ளி விலை கிராமுக்கு 0.20 காசுகள் குறைந்து ஒரு கிராம் வெள்ளி ரூ.77.80-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.77,800 ஆக இருக்கிறது.