அடேங்கப்பா.. 45 ஆயிரத்தை தாண்டும் தங்க விலை - எப்படி வாங்குறது?

தங்கம் விலை சவரனுக்கு ரூ.720 அதிகரித்து விற்பனையாகி வருகிறது.

 தங்கம் விலை

தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது.

கடந்த ஆண்டு மந்தமாக இருந்த தங்கச் சந்தை தற்போது எழுச்சி கண்டுள்ளது. அதன்படி, இன்று விலையில் உச்சத்தை கண்டுள்ளது. 22 காரட் ஆபரணத் தங்கம் கிராம் ஒன்றுக்கு ரூ.90 அதிகரித்து 5,690 ரூபாய் ஆகவும், சவரன் ஒன்றுக்கு ரூ.720 அதிகரித்து ரூ.44,520 ஆகவும் விற்பனையாகிறது.

உயர்வு

18 காரட் ஆபரணத் தங்கம் கிராம் ஒன்றுக்கு ரூ.74 அதிகரித்து 4,661 ரூபாய் ஆகவும், சவரன் ஒன்றுக்கு ரூ.592 வரை அதிகரித்து ரூ.37,288 ஆகவும் விற்பனையாகிறது.

ஒரு கிராம் வெள்ளி விலை இதுவரை இல்லாத அளவாக ரூ.2.90 உயர்ந்து ரூ.80.70 எனவும், ஒரு கிலோ வெள்ளி ரூ.80,700 எனவும் விற்பனையாகிறது.