உச்சத்திலேயே நீடிக்கும் தங்கம் விலை - இப்படியே போனால் எப்படி?
தங்கம் விலை சவரனுக்கு 400 அதிகரித்து விற்பனையாகிறது.
தங்கம் விலை
சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.
தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம் இறக்கம் என காணப்பட்டு வந்த நிலையில், இன்று (ஏப்ரல் 3) விலை அதிகரித்துள்ளது.
உயர்வு
அதன்படி 22 கேரட் ஆபரணத் தங்கத்தின் விலை சவரனுக்கு ரூ.400 அதிகரித்து ரூ.68,480க்கும், கிராமுக்கு ரூ.50 அதிகரித்து ரூ.8,560க்கும் விற்பனை செய்யப்படுகிறது.
வெள்ளி மட்டும் கிராமுக்கு ரூ.2 குறைந்து ரூ.112-க்கும், ஒரு கிலோ ரூ.1 லட்சத்து 12 ஆயிரத்துக்கும் விற்பனை செய்யப்படுகிறது.
பாதுகாப்பான முதலீடாக கருதப்படும் தங்கத்தின் மீது பலர் கவனத்தை திருப்பியுள்ளதால், தங்கம் விலை தொடர்ந்து உச்சத்தில் இருப்பதாக கூறப்படுகிறது.
