தொடர் ஏற்றத்தில் தங்கம் விலை - எவ்வளவு தெரியுமா?

தங்கம் விலை சவரனுக்கு ரூ.120 உயர்ந்த நிலையில் இன்றும் ரூ.96 அதிகரித்துள்ளது.

தங்கம் விலை 

தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது. ஏற்ற, இறக்கத்துடன் காணப்பட்டு வந்த

தங்கம் விலை அட்சயதிருதியை முன்னிட்டு சரிவைக் கண்டது. தற்போது மீண்டும் ரூ.45 ஆயிரத்தை தாண்டியுள்ளது. அதன்படி, 22 காரட் ஆபரணத் தங்கத்தின் விலை கிராமுக்கு ரூ.12 உயர்ந்து 5,642 ரூபாய் ஆகவும், சவரனுக்கு ரூ. 96 உயர்ந்து ரூ.45,136 ஆகவும் விற்பனையாகிறது.

தொடர் உயர்வு

18 காரட் ஆபரணத் தங்கத்தின் விலை கிராமுக்கு ரூ.10 உயர்ந்து 4,622 ரூபாய் ஆகவும், சவரனுக்கு ரூ. 80 உயர்ந்து ரூ.36,976 ஆகவும் விற்பனையாகிறது.

ஆனால் வெள்ளி விலை மட்டும் கிராமுக்கு 50 காசுகள் குறைந்து ஒரு கிராம் வெள்ளி ரூ.80.20 எனவும், ஒரு கிலோ வெள்ளி ரூ.80,200 எனவும் விற்பனையாகிறது.