ஒரே நாளில் தங்கம் ரூ.3,360 குறைவு - வெள்ளி விலை ரூ.23,000 சரிவு

ஆபரண தங்க சந்தையில் அதிரடியான விலை வீழ்ச்சி ஏற்பட்டுள்ளது.

தங்கம் விலை

சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.

தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம் இறக்கம் என காணப்பட்டு வந்த நிலையில், இன்று (டிச.30) விலை குறைந்துள்ளது.

வீழ்ச்சி

அதன்படி ஆபரணத் தங்கத்தின் விலை சவரனுக்கு ரூ.3,360 குறைந்து ரூ.1,00,800க்கும், கிராமுக்கு ரூ.420 சரிந்து ரூ.12,600-க்கும் விற்பனை செய்யப்படுகிறது.

அதிமுக ஆட்சிக்கு வந்தால் ரூ.5,000 வழங்கப்படும் - இபிஎஸ் அதிரடி

அதேபோல் வெள்ளியும் கிராம் ரூ.23 குறைந்து ரூ.255-க்கும், ஒரு கிலோ கட்டி வெள்ளி ரூ.23,000 சரிந்து ரூ.2.58 லட்சத்திற்கும் விற்பனை செய்யப்படுகிறது.

புத்தாண்டை முன்னிட்டு நகை வாங்க திட்டமிடுபவர்களுக்கு இந்த விலை வீழ்ச்சி ஒரு சிறந்த வாய்ப்பாக அமைந்துள்ளது.