87-வது நாளாக போராடும் விவசாயிகள் போராட்டம்: நாளை விவசாயிகளை முதல்வர் அரவிந்த் கெஜ்ரிவால் சந்திக்கின்றார்

வேளாண் சட்டத்தினை எதிர்த்து விவசாயிகள் டெல்லியில் போராடி வரும் நிலையில் அம்மாநில முதல்வர் அரவிந்த் கெஜ்ரிவால் நாளை சந்தித்துபேச்சுவார்த்தை நடத்த உள்ளதாக தகவல் வெளியாகியுள்ளது. மத்திய வேளாண் சட்டங்களை ரத்து செய்ய வலியுறுத்தி டெல்லி எல்லையில் விவசாயிகள் சுமார் 3 மாதமாக போராட்டம் நடத்தி வருகின்றனர்.

விவசாயிகளுடன் நடத்தபட்ட 11 கட்ட பேச்சுவார்த்தையும் தோல்வியில் முடிந்தது. இதனை தொடர்ந்து விவசாயிகள் போராட்டத்தை தொடர்கின்றனர். டெல்லியில் 87-வது நாளாக போராடி வரும் விவசாயிகள் நாட்டின் பல இடங்களில் போராட்டத்தை விரிவுப்படுத்தியுள்ளனர்.

இந்த நிலையில் டெல்லியில் அமைதி திரும்புவது குறித்து விவசாய அமைப்புகளுடன் டெல்லி முதல்வர் கெஜ்ரிவால் நாளை பேச்சுவார்த்தை நடத்த உள்ளார்.