டெல்லி வன்முறை: இதுவரை 10 பேர் மீது FIR வழக்குபதிவு

டெல்லியில் நேற்று நடந்த விவசாயிகள் பேரணியில் வன்முறை வெடித்ததை தொடர்ந்து நள்ளிரவு முதல் 144 தடை உத்தரவு அமுல்படுத்தப்பட்டுள்ளது. அனுமதிக்கப்பட்ட வழிகளை தவிர்த்து மற்ற வழிகளிலும் விவசாயிகள் நுழைய முயன்றதால் தாக்குதல் நடந்ததாக போலீசார் தெரிவிக்கின்றனர்.

இந்நிலையில் அரசு மற்றும் தனியார் சொத்துக்களும் கடுமையாக சேதமடைந்துள்ளதுடன், கொரோனா விதிகளும் அழிக்கப்பட்டுள்ளதாக இதுவரையிலும் 10 பேர் மீது FIR போடப்பட்டுள்ளதாக போலீஸ் அதிகாரி தெரிவித்துள்ளார். அவர் மேலும் கூறுகையில், அரசாங்கப் பணிகளைத் தடுப்பது, போலீஸ்காரர்களைத் தாக்குவது, அரசு மற்றும் தனியார் சொத்துக்களுக்கு சேதம் ஏற்படுவதைக் கண்டறிதல் மற்றும் கோவிட் -19 ( Covid-19) வழிகாட்டுதல்களை மீறுதல், NOC விதிகளை மீறுதல் போன்ற பல்வேறு காரணங்களுக்காக போராட்டக்காரர்கள் ( Tractor Rally) மீது வழக்குகள் பதிவு செய்யப்படும்.

குற்றவாளிகளை அடையாளம் கண்ட பின்னர் கூடிய விரைவில் கடுமையான நடவடிக்கை எடுக்கப்படும் என தெரிவித்துள்ளார். இந்நிலையில் இதுவரை மொத்தம் 10 மீது FIR பதிவாகியுள்ளது. 4 ஈஸ்டர்ன் ரோட், ஒன்று துவாரகாவின் பாபா ஹரிதாஸ் நகர் காவல் நிலையத்தில் பதிவு செய்யப்பட்டுள்ளது, ஒன்று நஜப்கரில், ஒன்று உத்தம் நகரில் செய்யப்பட்டுள்ளது.

இது தவிர, ஒன்று பாண்டவ் நகர், இரண்டு காசிப்பூர் காவல் நிலையங்கள் மற்றும் ஒன்று சீமாபுரி காவல் நிலையத்தில் FIR பதிவு செய்யப்பட்டுள்ளது. போராட்டக்காரர்கள் 8 பேருந்துகள், 17 வாகனங்கள், 4 கொள்கலன்கள் மற்றும் 300 க்கும் மேற்பட்ட தடுப்புகளை உடைத்ததாக குற்றம் சாட்டப்பட்டுள்ளது.