கிரிக்கெட் டிக்கெட்டை பெற 2 கி.மீ துாரம் சென்னையில் காத்திருந்த ரசிகர்கள்

நள்ளிரவு முதல் சேப்பாக்கத்தில் ரசிகர்கள் நீண்ட வரிசையில் 2 கி.மீட்டர் துாரத்திற்கு டிக்கெட்டை பெற காத்திருந்தனர்.

இந்தியா - ஆஸ்திரேலியா போட்டி 

சென்னை சேப்பாக்கத்தில் உள்ள எம்.ஏ.சிதம்பரம் கிரிக்கெட் மைதானத்தில், ரூ.139 கோடி செலவில் புனரமைப்பு பணிகள் நடைபெற்று வந்தது.

இந்த நிலையில் நேற்று கூடுதலாக 5 ஆயிரம் இருக்கைகள் கொண்ட புதிய கேலரி அமைக்கப்பட்ட நிலையில் அதை முதலமைச்சர் மு.க.ஸ்டாலின் மற்றும் இந்திய அணியின் முன்னாள் கேப்டன் தோனி ஆகியோர் திறந்து வைத்தனர்.

இந்த மைதானத்தில் வரும் 22ம் தேதி இந்தியா - ஆஸ்திரேலியா அணிகள் மோதும் 3-வது ஒருநாள் போட்டி நடைபெற உள்ளது.

2 கி.மீ துாரத்திற்கு காத்திருந்த ரசிகர்கள் 

இதற்கான நேரடி டிக்கெட் முன்பதிவு இன்று காலை 11 மணிக்கு தொடங்கியது. பார்வையாளர் ஒரு நபருக்கு குறைந்தபட்ச டிக்கெட் விலை ரூ.1,200 நிர்ணயம் செய்து தமிழ்நாடு கிரிக்கெட் சங்கம் அறிவித்தது.

டிக்கெட்டுகளை முன்பதிவு செய்வதற்காக நள்ளிரவு முதல் சேப்பாக்கம் மைதானத்தில் கிரிக்கெட் ரசிகர்கள் நீண்ட வரிசையில் காத்திருந்தனர்.

ஏறத்தாழ சுமார் 10 மணி நேரத்திற்கும் மேலாக 2 கி.மீ துாரத்திற்கு ரசிகர்கள் காத்திருந்து டிக்கெட்டுகளை பெற்று சென்றனர்.