பிரபல நடிகர் உடல்நலக் குறைவால் காலமானார் - திரையுலகினர் இரங்கல்..!
Thahir
in பிரபலங்கள்
பருத்திவீரன் திரைப்பட புகழ் நடிகர் செவ்வாழை ராசு உடல் நலக் குறைவு காரணமாக காலமானார். அவருக்கு வயது 70.
உடல் நலக்குறைவால் மருத்துவமனையில் அனுமதி
செவ்வாழை ராசு தமிழில் பல திரைப்படங்களில் குணச்சித்திர நடிகராகவும் காமெடி நடிகராகவும் நடித்தவர். கார்த்தி நடிப்பில் வெளியான பருத்திவீரன் திரைப்படத்தில் செவ்வாழை என்ற கதாபாத்திரத்தில் நடித்தது மூலம் செவ்வாழை என்ற அடைமொழி சேர்ந்து கொண்டது.
செவ்வாழை ராசு மைனா, கிழக்குச் சீமையிலே, கந்தசாமி உட்பட பல திரைப்படங்களில் இவரது நடிப்பு ரசிகர்களால் பெரும் வரவேற்பை பெற்றது.
இவர் கடந்த சில மாதங்களாகவே உடல் நலக்குறைவால் பாதிக்கப்பட்டு மதுரை தனியார் மருத்துவமனையில் சிகிச்சை பெற்று வந்தார் . இந்நிலையில் சிகிச்சை பலனின்றி காலமானார்.
திரையுலகினர் இரங்கல்
இவருக்கு 3 மகன்கள். அவரது உடல் அவரது சொந்த ஊரான தேனி மாவட்டம் வருசநாடு பகுதியில் உள்ள கோரையூத்து கிராமத்திற்கு கொண்டு செல்லப்படுகிறது.
அங்கு பொதுமக்கள் அஞ்சலிக்காக வைக்கப்படும் என தகவல்கள் வெளியாகியுள்ளன. இவரது மறைவிற்கு திரை நட்சத்திரங்கள், சக நடிகர்கள், நண்பர்கள், உறவினர்கள், ரசிகர்கள் இரங்கல் பதிவினை வெளியிட்டு வருகின்றனர்.
