பிரபல சின்னத்திரை தம்பதியின் வீட்டில் கைவரிசை காட்டிய திருடர்கள் - அதிர்ச்சி தகவல்!

ராஜ்கமல் - லதா தம்பதியினர் வீட்டின் கதவை உடைத்து டிவி-யை மர்ம நபர்கள் திருடி சென்றுள்ளனர்.

ராஜ்கமல் - லதா 

விஜய் தொலைக்காட்சியில் பிரபலமான நிகழ்ச்சிகளில் ஒன்றான ஜோடி நம்பர் 1 மூலம் பிரபலமானவர்கள் ராஜ் கமல் மற்றும் லதா ராவ் தம்பதியினர். இவர்கள் பல தொலைக்காட்சி நாடகங்களில் நடித்துள்ளனர். இவர்களுக்கென்று தனி ரசிகர் பட்டாளமே உள்ளது.

இவர்கள் இருவரும் 18 ஆண்டுகளுக்கு முன் காதலித்து திருமணம் செய்து கொண்டனர். இவர்களுக்கு இரண்டு பெண் குழந்தைகளும் உள்ளன. சமீபத்தில் லட்ச கணக்கில் செலவு செய்து ஒரு பிரம்மாண்டமான வீட்டை காட்டியுள்ளனர்.

இந்த வீடு சினிமா ஷூட்டிங்கிற்கு விடுவதற்காகவே பார்த்து பார்த்து காட்டியுள்ளோம் என்று ஒரு நேர்காணலில் கூறியிருந்தனர்.

திருட்டு

இந்நிலையில் இவர்கள் வீட்டின் பின்புற கதவை உடைத்து உள்ளே புகுந்த மர்ம நபர்கள் வீட்டில் மாட்டி வைக்கப்பட்டிருந்த விலையுயர்ந்த டிவி-யை திருடி சென்றுள்ளதாக மதுரவாயல் காவல் நிலையத்தில் ராஜ் கமல் புகார் அளித்துள்ளார்.

சம்பவம் அறிந்து அங்கு வந்த போலீசார் விசாரணை மேற்கொண்டு வருகின்றனர்.