தனது காதலை புதிய முறையில் வெளிகாட்டிய திரிஷா : வைரலாகும் புகைப்படம்

தமிழ் திரையுலகில் முன்னணி நடிகையாக வலம் வருபவர் த்ரிஷா. இத்தனை ஆண்டுகள் சினிமாவில் இருந்தாலும் அழகு குறையாமல் இன்றும் ரசிகர்களின் கனவு கன்னியாக வலம் வருகிறார் த்ரிஷா. இதனால் த்ரிஷாவுக்கு சினிமாவில் பட வாய்ப்புகளும் குவிந்த வண்ணம் உள்ளன.

பொன்னியின் செல்வன் 2

திரிஷா நடிப்பில் தற்போது பொன்னியின் செல்வன் 2 திரைப்படம் வெளியாகவுள்ளது. இப்படம் வருகிற ஏப்ரல் 28-ந் தேதி ரிலீஸ் ஆக உள்ளது. இதற்கான புரமோஷன் பணிகளில் தற்போது பிசியாக உள்ளார் திரிஷா.  

இதுதவிர லோகேஷ் கனகராஜ் - விஜய் கூட்டணியில் உருவாகும் லியோ படத்திலும் த்ரிஷா நடித்து வருகிறார். இப்படத்தில் நடிகர் விஜய்க்கு ஜோடியாக நடித்து வருகிறார். கிட்டத்தட்ட 14 ஆண்டுகளுக்கு பின் இந்த ஜோடி மீண்டும் இணைந்துள்ளதால், இப்படத்திற்கு ரசிகர்கள் மீதான எதிர்பார்ப்பு நாளுக்கு நாள் அதிகரித்த வண்ணம் உள்ளது. இந்த நிலையில் த்ரிஷாவின் புதிய டாட்டூ என்று ஒரு புகைப்படம் இணையத்தில் வைரலாகி வருகிறது.

வைரலாகும் டாட்டூ

த்ரிஷா தனது முதுகில் டிரைபாடு உடன் கூடிய கேமரா மற்றும் கிளாப் போர்டு ஆகியவற்றை டாட்டூவாக குத்தி இருக்கிறார். அவர் இந்த டாட்டூவை கடந்த 2016-ம் ஆண்டே போட்டுக்கொண்டாலும் பெரியளவில் இதுகுறித்த புகைப்படங்கள் வெளியானதில்லை. தற்போது பொன்னியின் செல்வன் பட புரமோஷனின் போது எடுத்த புகைப்படங்களில் திரிஷாவின் டிரைபாடு கேமரா டாட்டூவை பார்த்து வியந்து அதனை வைரலாக்கி வருகின்றனர். இது த்ரிஷாவின் புதிய டாட்டூ என டிரெண்ட் செய்து வருகின்றனர்.