ஈரோடு மதிமுக எம்.பி மருத்துவமனையில் அனுமதி; தற்கொலை முயற்சியா..? பரபரப்பு!
ஈரோடு மதிமுக எம்.பி கணேசமூர்த்தி தற்கொலைக்கு முயன்றுள்ளதாக கூறப்படுகிறது.
எம்.பி. கணேசமூர்த்தி
2019-ம் ஆண்டு நாடாளுமன்ற தேர்தலில் திமுக கூட்டணியில், மதிமுகவுக்கு ஈரோடு தொகுதி ஒதுக்கப்பட்டது. இந்த தொகுதியில் கணேசமூர்த்தி உதயசூரியன் சின்னத்தில் போட்டியிட்டு வெற்றி பெற்றார்.
இந்நிலையில் 2024 நாடாளுமன்ற தேர்தலில் ஈரோடு தொகுதி திமுகவுக்கு ஒதுக்கப்பட்டது. இதனையடுத்து கட்சியின் தார்மீக அடிப்படையில் எம்.பி. கணேசமூர்த்தி தேர்தலில் பணிகளில் ஈடுபட்டு வந்தார்.
தற்கொலை முயற்சி?
இதனிடையே கடந்த ஒருவாரமாக அவர் மன அழுத்தத்தில் இருந்தது வந்ததாக கூறப்படுகிறது. இந்நிலையில் கணேசமூர்த்தி தற்கொலைக்கு முயன்றுள்ளதாக கூறப்படுகிறது.
உடல்நலம் பாதிக்கப்பட்ட நிலையில் அவர், கோவையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருவதாக தகவல் வெளியாகியுள்ளது. இந்த சம்பவம் பெரும் அதிர்ச்சியை ஏற்படுத்தியுள்ளது.
