ஸ்டாலின் தான் வந்தாரு நீச்சல் அடிக்க விட்டாரு - பாட்டில் விமர்சித்த இபிஎஸ்

இன்று அதிமுக பொதுக்குழு கூட்டத்தில் பேசிய எதிர்க்கட்சி தலைவர் எடப்பாடி பழனிசாமி உதயநிதியை அரசியல் கத்துக்குட்டி என விமர்சித்துள்ளார்.

அதிமுக பொதுக்குழு

இன்று சென்னை வானகரத்தில் நடைபெற்ற பொதுக்குழு கூட்டத்தில் பேசிய அக்கட்சியின் பொதுச்செயலாளர் எடப்பாடி பழனிசாமி, மதுரை வரலாறு சிறப்புமிக்க மாநாட்டை நடத்தியதாக குறிப்பிட்டு, அதனை குறித்து விமர்சிக்க உதயநிதி ஸ்டாலினுக்கு தகுதியில்லை என தெரிவித்தார்.

தொடர்ந்து பேசிய அவர், மக்களின் நலனில் அதிமுக அரசியல் செய்யாது என குறிப்பிட்டு, மத்திய அரசு மாநிலத்திற்கு வெள்ள பாதிப்பிற்காக நிவாரணம் வழங்கவேண்டும் என தீர்மானம் நிறைவேற்றப்பட்டுள்ளது என்று சுட்டிக்காட்டினார்.

ஸ்டாலின் தான் வந்தாரு...

மழை வெள்ள பாதிப்பினால் இருந்து மக்களை காப்பாற்ற தமிழக அரசு தவறிவிட்டதாக தெரிவித்த அவர், அரசையும் கட்சியையும் நடத்த ஸ்டாலினுக்கு தெரியவில்லை என்றும் கூறினார். ஸ்டாலின் தான் வந்தாரு நீச்சல் அடிக்க விட்டாரு என மக்கள் கூறும் அளவிற்கு இந்த ஆட்சி இருப்பதாகவும் விமர்சனம் செய்தார் எடப்பாடி பழனிசாமி.

மீண்டும் பாஜகவுடன் கூட்டணி இல்லை என்பதை உறுதிபட தெரிவித்த அவர், மக்கள் எந்த தேர்தல் வந்தாலும், அதிமுகவிற்கு தான் வெற்றி கொடுக்க வேண்டும் என்ற முடிவிற்கு வந்துவிட்டதாக தெரிவித்து, சட்டமன்ற முன்வரிசை அமைச்சர்கள் அனைவரும் நீதிமன்ற தீர்ப்பு என்னவாக இருக்கும் என்ற பார்த்து இருப்பதாகவும் அவர் விமர்சனம் செய்தார்.