கேவலமான புகைப்படத்தை வெளியிட்டு டிரம்ப்பை அசிங்கப்படுத்திய எலான் மஸ்க் - நெட்டிசன்கள் கண்டனம்...!

மோசமான புகைப்படத்தை வெளியிட்டு டிரம்ப்பை கிண்டலடித்த எலான் மஸ்க்கை நெட்டிசன்கள் கண்டனம் தெரிவித்து வருகின்றனர்.

தேர்தலில் தோல்வியுற்ற டிரம்ப்

கடந்த 2021ம் ஆண்டு ஜனவரியில் ஜோ பைடன் 46-வது அமெரிக்க அதிபராக பொறுப்பேற்றார். ஆனால் தேர்தல் முடிவுகளை டிரம்ப் ஏற்றுக்கொள்ளமுடியவில்லை. டிரம்ப் ஆதரவாளர்கள் அமெரிக்க நாடாளுமன்றத்தை முற்றுகையிட்டு வன்முறை வெறியாட்டம் நடத்தினர்.

அதனைத் தொடர்ந்து டிரம்ப்பின் அனைத்து சமூக ஊடக கணக்குகளும் அந்தந்த நிறுவனங்களால் முடக்கப்பட்டன. டிரம்ப்பின் கணக்குகளை இனி எப்போதும் அனுமதிக்கப்போவதில்லை என்றும் அறிவித்துவிட்டன.

டிரம்ப் மீது வழக்குப்பதிவு

நாடாளுமன்றத்தில் வன்முறையைத் தூண்டினார் என டிரம்ப் மீது வழக்குப் பதிவு செய்யப்பட்டன. சமூக ஊடகங்களில் முடக்கப்பட்டதால் டிரம்ப் தனக்கென தனியாக ஒரு வலைத்தளத்தை உருவாக்கினார்.

இதன் மூலம் தொடர்ந்து இயங்குவார் என எதிர்பார்க்கப்பட்டது. ஆனால் தொடங்கிய ஒரு மாதத்திற்குள்ளே அதனை மூடிவிட்டார் டிரம்ப். இனி ட்ரம்ப்பின் அடுத்த திட்டம் என்னவாக இருக்கும் என அவருடைய ஆதரவாளர்கள் எதிர்பார்த்து காத்துக் கொண்டிருந்தனர்.

தோல்விக்குப் பிறகு அதிகமாக பொதுவெளியில் தலைகாட்டாத டிரம்ப் ஃப்ளோரிடாவில் உள்ள அவருடைய அப்பார்ட்மண்டில் வசித்து வருகிறார்.

மீண்டும் அதிபர் பதவிக்கு போட்டி

முன்னாள் ஜனாதிபதி டிரம்ப் 2024ம் ஆண்டு அமெரிக்க ஜனாதிபதி பதவிக்கு போட்டியிடப்போவதாக தற்போது அறிவித்துள்ளார். மேலும், அமெரிக்காவின் மறுபிரவேசம் இப்போதே தொடங்குகிறது. அமெரிக்காவை மீண்டும் சிறந்த மற்றும் புகழ்பெற்றதாக மாற்ற நான் ஓடிக்கொண்டிருக்கிறேன் என்று கூறியுள்ளார்.

எலான் மஸ்க் வாக்கெடுப்பு

இதற்கிடையில், டுவிட்டரை வாங்கியுள்ள எலான் மஸ்க், டிரம்பிற்கு மீண்டும் அவரது டுவிட்டர் கணக்கை பயன்படுத்த அனுமதி கொடுக்கலாமா? என்று டுவிட்டரில் வாக்கெடுப்பை தொடங்கினார். சுமார் 1½ கோடி பேர் இதில் பங்கேற்று வாக்களித்தனர். இதில் 51.8 சதவீதம் பேர் டிரம்ப் டுவிட்டரை மீண்டும் பயன்படுத்த ஆதரவு தெரிவித்தனர்.

இதை தொடர்ந்து டிரம்ப் தனது டுவிட்டர் கணக்கை பயன்படுத்த விதிக்கப்பட்டிருந்த தடையை எலான் மஸ்க் நேற்று நீக்கினார். இதன் மூலம் டிரம்பின் டுவிட்டர் கணக்கு மீண்டும் செயல்பட தொடங்கியுள்ளது.

கிண்டிலடித்த எலான் மஸ்க்

இந்நிலையில், டுவிட்டர் பக்கத்தில் எலான் மஸ்க் ஒரு புகைப்படத்துடன் ஒரு பதிவை வெளியிட்டுள்ளார். அந்த பதிவில், மோசமான ஒரு புகைப்படத்தை வெளியிட்டு, மேலும் எங்களை சோதனைக்கு இட்டுச் செல்லாதே... என்று பதிவிட்டுள்ளார்.

இதைப் பார்த்த நெட்டிசன்கள்... இவ்வளவு குறும்பு எலான் மஸ்க் ஆகாது என்றும், ஒரு சிலரோ இந்த பதிவிலிருந்து நீங்கள் எப்படிப்பட்ட எண்ணம் கொண்டவர் என்பது தெரிகிறது என்று கண்டனம் தெரிவித்து கமெண்ட் செய்து வருகின்றனர்.   

And lead us not into temptation … pic.twitter.com/8qNOXzwXS9

— Elon Musk (@elonmusk) November 21, 2022