SIR படிவத்தை சமர்ப்பிக்க கூடுதல் கால அவகாசம் - எப்போது வரை சமர்ப்பிக்கலாம்?

 SIR படிவத்தை சமர்ப்பிப்பதற்கு கூடுதல் கால அவகாசத்தை தேர்தல் ஆணையம் அறிவித்துள்ளது.

SIR பணி

தமிழ்நாடு உட்பட 12 மாநிலங்கள் மற்றும் யூனியன் பிரதேசங்களில் இரண்டாம் கட்டமாக சிறப்பு வாக்காளர் திருத்தப் பட்டியல் பணியை(SIR) இந்தியத் தேர்தல் ஆணையம் மேற்கொண்டு வருகிறது. 

தமிழ்நாட்டில், வாக்குச்சாவடி அலுவலர்கள் வாக்காளர்களின் வீடுகளுக்கு சென்று SIR படிவங்களை வழங்கி வருகின்றனர்.

வாக்காளர்கள் படிவத்தை நிரப்பி அளித்த பின்னர், அதனை தேர்தல் ஆணையத்தின் இணையதளத்தில் பதிவேற்றும் பணி நடைபெற்று வருகிறது. 

இதுவரை 98.34 சதவிகித வாக்காளர்களுக்கு எஸ்ஐஆர் படிவங்கள் வழங்கப்பட்டு, 81.48% படிவங்கள் பதிவேற்றப்பட்டுள்ளதாக தேர்தல் ஆணையம் தெரிவித்துள்ளது.

கூடுதல் கால அவகாசம்

படிவத்தை பூர்த்தி செய்து சமர்ப்பிக்க டிசம்பர் 4 ஆம் தேதி கடைசி தேதியாக அறிவிக்கப்பட்டிருந்தது.

படிவத்தை பூர்த்தி செய்வதில் பல்வேறு குளறுபடிகள் இருப்பதால், கூடுதல் அவகாசம் வழங்க வேண்டுமென கோரிக்கை வைக்கப்பட்டிருந்தது. 

Election Commission of India Revises Schedule for Special Intensive Revision (SIR) of Electoral Rolls by extending the dates by one week.

Read in detail: https://t.co/f83g3nShuX#ECI pic.twitter.com/hLoQ45TPFL

— Election Commission of India (@ECISVEEP) November 30, 2025

இந்நிலையில், படிவத்தை சமர்ப்பிப்பதற்கான கடைசி தேதியை டிசம்பர் 11 ஆம் தேதி என தேர்தல் ஆணையம் அறிவித்துள்ளது.

டிசம்பர் 16ஆம் தேதி வரைவு வாக்காளர் பட்டியல் வெளியிடப்படும் எனவும், அதில் ஆட்சேபணை இருந்தால் ஜனவரி 15ஆம் தேதிக்குள் தெரிவிக்கலாம் எனவும் அறிவித்துள்ளது.

இறுதி வாக்காளர் பட்டியல் பிப்ரவரி 14 ஆம் தேதி வெளியிடப்படும் என அறிவித்துள்ளது.