சமந்தா கேரியர் முடிஞ்சது; அழுது ரொம்ப சீப்பா நடந்துக்கிறார் - பிரபல இயக்குநர் பகீர்

சமந்தாவின் கேரியர் முடிவுக்கு வந்துவிட்டதாக பிரபல இயக்குநர் தெரிவித்துள்ளார்.

சமந்தா

நடிகை சமந்தா நடிப்பில் சாகுந்தலம் திரைப்படம் சமீபத்தில் திரையரங்குகளில் வெளியாகியது. இது மக்களிடையே கலவையான வரவேற்பையே பெற்றது. வசூலிலும் எதிர்பார்த்த வெற்றியை பெறவில்லை. இந்நிலையில், பிரபல தெலுங்கு தயாரிப்பாளரும் இயக்குநருமான சிட்டி பாபு பேட்டி ஒன்றில்,

சமந்தாவின் ஸ்டார் ஹீரோயினாக அவரது கேரியர் ஏற்கனவே முடிவுக்கு வந்துவிட்டது. தற்போது அவர் தனது படங்களைப் பிரபலப்படுத்த கீழ் தரமான தந்திரங்களை பயன்படுத்துகிறார். சமந்தா விவாகரத்துக்கு பிறகு புஷ்பா படத்தில் ஊ அண்டாவா பாடலில் நடனமாடினார்.

இயக்குநர் கருத்து

அவர் தனது வாழ்வாதாரத்துக்காகவே இப்படி நடனமாடினார். அவர் ஸ்டார் ஹீரோயின் என்ற ஸ்டேட்டஸை இழந்துவிட்டார். தற்போது அவருக்கு வரும் வாய்ப்புகளை எல்லாம் ஏற்றுவருகிறார். ஹீரோயினாக அவரது திரையுலக வாழ்க்கை முடிவுக்கு வந்துவிட்டது. இழந்த புகழை அவரால் மீண்டும் பெற முடியாது.

அவர் திரையுலக வாழ்க்கையைத் தொடர வேண்டும் என்றால் தனக்கு கிடைக்கும் வாய்ப்புகளை ஏற்க வேண்டும். யசோதா படத்தின் புரமோஷன்களில் அழுது கண்ணீர் சிந்தி அந்தப் படத்தை வெற்றி பெற செய்ய முயற்சித்தார். தற்போது சாகுந்தலம் படத்தின் போதும் இதனையே செய்து அனுதாபம் தேடுகிறார்.

அதாவது சாவதற்குள் இந்த கதாப்பாத்திரத்தில் நடிக்க வேண்டும் என்கிறார்.எப்பொழுதும் சென்டிமென்ட் கைகொடுக்காது. படமும் அவரது கதாப்பாத்திரமும் நன்றாக இருந்தால் ரசிகர்கள் பார்ப்பார்கள் எனத் தெரிவித்துள்ளார். இந்த கருத்து அவரது ரசிகர்களிடையே அதிர்ச்சியை ஏற்படுத்தியுள்ளது.