கத்துக்கோ இல்ல டீம விட்டு தூக்கிருவாங்க : இளம் இந்திய வீரரை எச்சரித்த அஜய் ஜடேஜா

தினேஷ் கார்த்திக் பார்த்து ரிஷப் பன்ட் கற்றுக்கொள்ள வேண்டும். இல்லையெனில் அணியை விட்டு நீக்கிவிடுவார்கள் என எச்சரித்துள்ளார்,அஜய்ஜடேஜா.

அட்வைஸ் கொடுக்கும் அஜய்

இந்திய அணியின் முன்னாள் வீரர் அஜய் ஜடேஜா, ரிஷப் பண்ட் தனக்கு கிடைக்கும் வாய்ப்பை தவறவிட்டு வருகிறார். தினேஷ் கார்த்திக் கிட்டத்தட்ட 15 வருடங்களுக்கு மேலாக இந்திய அணியில் அவ்வப்போது உள்ளே வருவதும் வெளியே செல்வதுமாக இருக்கிறார்.

தற்போது அவர்மீது நம்பிக்கை வைத்து தொடர்ந்து இந்திய அணி அவருக்கு வாய்ப்பு கொடுக்கிறது. தினேஷ் கார்த்திக் மீது நம்பிக்கை வருவதற்கு கிட்டத்தட்ட 15 வருடங்களுக்கு மேல் ஆனது. ஆகையால் ரிஷப் பன்ட் மீது தற்போது நம்பிக்கை வைத்திருக்கின்றனர்.

எச்சரிக்கை

அதை அவர் சரியாக பயன்படுத்திக் கொள்ள வேண்டும். இப்போது ஒன்றும் பெரிய தவறாக முடியவில்லை. மீண்டும் கிடைக்கும் வாய்ப்புகளில் தன்னை நிரூபித்து காட்ட வேண்டும். இல்லையெனில் மொத்தமாக அணியிலிருந்து அவரை நீக்குவதற்கும் இந்திய அணி நிர்வாகம் தயங்காது, என எச்சரித்துள்ளார்.

தென்னாப்பிரிக்க அணிகளுக்கு எதிரான டி20 தொடரின் போது வாய்ப்பு கொடுத்து பார்க்கப்பட்டது. தினேஷ் கார்த்திக் கிடைக்கும் வாய்ப்புகளை மிக சரியாக பயன்படுத்திக் கொண்டார்.

சொதப்பும் பண்ட்

ஆனால் ரிஷப் பண்ட் அதனை தவறவிட்டிருக்கிறார். குறிப்பாக மூன்றாவது டி20 போட்டியில் துவக்க வீரராக இறங்குவதற்கு வாய்ப்பு கிடைத்த போது 14 பந்துகளில் 27 ரன்கள் மட்டுமே எடுத்து ஆட்டம் இழந்து வெளியேறினார்.