தமிழில் எனக்கு பிடித்த நடிகர் எப்போதும் அவர்தான் - தினேஷ் கார்த்திக் ஓபன் டாக்!

தினேஷ் கார்த்திக்

இந்திய கிரிக்கெட் அணிக்காக கடந்த 2004ம் ஆண்டு அறிமுகமானவர் தினேஷ் கார்த்திக். 26 டெஸ்ட் போட்டிகளில் விளையாடிய1,025 ரன்களும், 94 ஒரு நாள் கிரிக்கெட்டில் விளையாடி 1,752 ரன்களும் விளாசியிருக்கிறார்.

டெஸ்டில் 1 சதம், 7 அரை சதங்கள், ஒரு நாள் கிரிக்கெட்டில் 9 அரை சாதனைகளை தினேஷ் கார்த்திக் பதிவு செய்துள்ளார். இவர் வங்கதேச அணிக்கு எதிரான இறுதிப் போட்டி ஒன்றில் கடைசி பந்தில் சிக்ஸர் அடித்து இந்திய அணியை வெற்றி பெற வைத்தது இன்றுவரை யாராலும் மறக்க முடியாது. ஐபிஎல் கிரிக்கெட்டில் 2008ம் ஆண்டு முதல் விளையாடி வருகிறார்.

பிடித்த நடிகர்?

கடந்த ஐபிஎல் சீசனில் ராயல் சேலஞ்சர்ஸ் பெங்களூர் அணிக்காக அவர் விளையாடியுள்ளார். தற்போது கிரிக்கெட் வர்ணனையாளராகவும் இருந்து வருகிறார் தினேஷ் கார்த்திக். இந்நிலையில் பேட்டி ஒன்றில் அவரிடம் உங்களுக்கு மிகவும் பிடித்த தமிழ் நடிகர் யார் என்று கேள்வி கேட்கப்பட்டது.

அதற்கு பதிலளித்த தினேஷ் கார்த்திக். ஒரு ஆளைத்தான் பிடிக்கும் என்று சொல்வது தவறு. ஒவ்வொரு படத்தில் ஒருஒருவரை பிடிக்கும். ஆனால் மொத்தமாக பார்த்தால் எப்போதும் தலைவர் ரஜினியை தான் பிடிக்கும்" என்று தினேஷ் கார்த்திக் கூறியுள்ளார்.