‘நினைவுகளை அழிக்க முடியாது...ஏத்துக்க மட்டுமே முடியும்’ - வைரலாகும் டிக்கிலோனா ட்ரெய்லர்

நடிகர் சந்தானம் நடித்துள்ள டிக்கிலோனா படத்தின் 2வது ட்ரெய்லர் வெளியாகியுள்ளது.

கார்த்திக் யோகி இயக்கத்தில் நடிகர் சந்தானம் முதல் முறையாக 3 வேடங்களில் நடித்துள்ள படம் ‘டிக்கிலோனா’. அனைனா, ஷிரின் ஹீரோயின்களாக நடித்துள்ள இப்படத்திற்கு யுவன் சங்கர் ராஜா இசையமைத்துள்ளார்.

காலத்தை கடந்து செல்லும் கதைக்களம் என்பதால் ஏற்கனவே வெளியான படத்தின் முதல் ட்ரெய்லர் ரசிகர்களிடம் பெரும் வரவேற்பை பெற்றது. அதுமட்டுமல்லாமல் கமல்ஹாசனின் ‘மைக்கேல் மதன காமராஜன்’ படத்தின் ‘வச்சாலும் வைக்காம போனாலும் மல்லி வாசம்’ பாடலும் இப்படத்திற்கு ரீமேக் செய்யப்பட்டு ட்ரெண்டானது.

இப்படம் வரும் செப்டம்பர் 10ஆம் தேதி விநாயகர் சதுர்த்தி தினத்தை முன்னிட்டு ஜீ 5 ஓடிடி தளத்தில் வெளியாகவுள்ள 2வது ட்ரெய்லர் வெளியாகியுள்ளது. இதில் வழக்கம்போல சந்தானத்தின் நக்கல் வசனங்கள் ரசிகர்களை கவரும் வண்ணம் அமைந்துள்ளன. இந்த ட்ரெய்லர் இணையத்தில் வைரலாகி வருகிறது.