முத்தையா முரளிதரனின் வாழ்க்கை வரலாற்று படத்தில் நடிகர் விஜய் சேதுபதிக்கு பதிலாக நடிக்க போவது இந்த இளம் நடிகரா?

விஜய் சேதுபதி நடிப்பதாக இருந்த 800 படத்தில் அவருக்கு பதில் இளம் நடிகர் நடிப்பதாக தகவல் வெளியாகியிருக்கிறது.

இலங்கையை சேர்ந்த முன்னாள் பந்துவீச்சாளரான முத்தையா முரளிதரனின் வாழ்க்கை வரலாற்றை 800 என்கிற பெயரில் படமாக்குவதாக அறிவித்தார்கள்.

முத்தையா முரளிதரனாக விஜய் சேதுபதி நடிப்பார் என்று அறிவிக்கப்பட்டது. தமிழர்களுக்கு எதிரான முத்தையாவாக விஜய் சேதுபதி நடிப்பதா என்று கடும் எதிர்ப்பு கிளம்பியது.

இதையடுத்து அந்த படத்தில் இருந்து விலகுமாறு முத்தையா முரளிதரன் கேட்டுக் கொண்டதன்படி விலகினார் விஜய் சேதுபதி.

அதன் பிறகு 800 படம் பற்றி பேச்சே இல்லை. இந்நிலையில் 800 படத்தில் முத்தையா முரளிதரனாக தேவ் பட்டேல் நடிப்பார் என்று கூறப்படுகிறது.

ஆஸ்கர் விருது பெற்ற ஸ்லம்டாக் மில்லியனர் படம் மூலம் பிரபலமானவர் தேவ் பட்டேல். ஹாலிவுட்டில் கவனம் செலுத்தி வரும் அவர் ஓடிடி மூலம் இயக்குநர் அவதாரமும் எடுக்கவிருக்கிறார்.

இந்நிலையில் அவர் முத்தையாவாக நடிக்கப் போகிறார் என்று பேச்சு கிளம்பியிருக்கிறது. இருப்பினும் இது குறித்து அதிகாரப்பூர்வ அறிவிப்பு எதுவும் வெளியாகவில்லை என்பது குறிப்பிடத்தக்கது.

ஹோட்டல் மும்பை, தி வெட்டிங் கெஸ்ட், தி கிரீன் நைட் ஆகிய வெற்றிப்படங்களில் நடித்தவர் தேவ் பட்டேல்.