புதுக்கோட்டையில் மஞ்சுவிரட்டு போட்டியில் மாடுபிடி வீரர் மரணம் - கிராம மக்கள் சோகம்...!

புதுக்கோட்டையில் மஞ்சுவிரட்டு போட்டியில் மாடுபிடி வீரர் உயிரிழந்த சம்பவம் பெரும் சோகத்தை ஏற்படுத்தியுள்ளது.

மாடுபிடி வீரர் மரணம்

பொங்கல் தினத்தையொட்டி புதுக்கோட்டை மாவட்டம், திருமயம் அருகே கே.ராயபுரம் கிராமத்தில் இன்று மஞ்சுவிரட்டு போட்டி நடந்தது.

இப்போட்டியில், சிவகங்கை, ராமநாதபுரம், திருச்சி உள்பட பல மாவட்டங்களிலிருந்து கொண்டு வரப்பட்ட காளைகள் களத்தில் அவிழ்த்து விடப்பட்டன. இப்போட்டியைக் காண ஆயிரக்கணக்கான மக்கள் திரண்டு வந்தனர்.

இப்போட்டியில், அவிழ்த்து விடப்பட்ட காளையை அடக்க முயன்ற புதுவயல் கிராமத்தை சேர்ந்த கணேசன் (50) என்பரை சீறிப்பாய்ந்து வந்த காளை முட்டி தூக்கியது. இதில், அவரது குடல் சரிந்தது. உடனடியாக மீட்பு குழுவினர் அவரை மீட்டு மருத்துவமனைக்கு கொண்டு சென்று அனுமதித்தனர். ஆனால், மருத்துவமனைக்கு கொண்டு செல்லும் வழியிலேயே அவர் பரிதாபமாக உயிரிழந்தார்.

இதனையடுத்து, போட்டி தற்காலிகமாக நிறுத்தி வைக்கப்பட்டுள்ளது. மஞ்சுவிரட்டு நிகழ்ச்சியில் வீரர் ஒருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.