பிரபல டான்ஸ் மாஸ்டர் உயிரிழப்பு - சோகத்தில் ஆழ்ந்த திரையுலகம்!
Vinothini
in பிரபலங்கள்
திரையுலகில் பிரபலமான நடன இயக்குனர் உடல்நல குறைவால் காலமானார் இதனால் திரையுலகினர் இரங்கல் தெரிவித்து வருகின்றனர்.
டான்ஸ் மாஸ்டர்
ஆந்திர மாநிலம், ஐதராபாத்தை சேர்ந்தவர் பிரபல திரைப்பட நடன இயக்குனர் ராகேஷ். இவர் திருப்பதியில் பிறந்த இவரது இயற்பெயர் ராமா ராவ், நடன இயக்குனரான பிறகு இவரது பெயரை ராகேஷ் என மாற்றிக் கொண்டார்.
தமிழ், தெலுங்கு, இந்தி, மலையாளம் உள்ளிட்ட 1500 திரைப்படங்களுக்கு நடன இயக்குனராக பணியாற்றி உள்ளார். மேலும், இவர் தெலுங்கில் பிரபல நடிகர்களான வெங்கடேஷ், நாகார்ஜுனா, மகேஷ் பாபு, ராம்பாபு, பிரபாஸ் உள்ளிட்ட நடிகர்களுக்கு நடன இயக்குனராக பணியாற்றியுள்ளார்.
திரையுலகம் இரங்கல்
இந்நிலையில், இவர் கடந்த வாரம் படப்பிடிப்பிற்காக விசாகப்பட்டினம் மற்றும் பீமாவரம் சென்று இருந்தார். அங்கு அவருக்கு உடல் நலக்குறைவு காரணமாக மருத்துவமனையில் சேர்க்கப்பட்டார்.
இவர் நேற்று மாலை உடல் உறுப்புகள் செயலிழந்து சிகிச்சை பலனின்றி உயிரிழந்தார். இதனால் அதிர்ச்சியடைந்த திரையுலகினர் திரண்டு வந்து அவரது உடலுக்கு அஞ்சலி செலுத்தி வருகின்றனர். மேலும், இவரது மறைவு பலரையும் பெரும் சோகத்தில் ஆழ்த்தியுள்ளது.
