தமிழகத்தில் குறையும் தினசரி கொரோனா பாதிப்பு: இன்றைய பாதிப்பு எவ்வுளவு தெரியுமா?

தமிழக சுகாதாரத்துறை இன்று வெளியிட்டுள்ள அறிக்கையின் படி  தமிழகத்தில் இன்று 1,653பேர் கொரோனா வைரஸால் பாதிக்கப்பட்டுள்ளனர். இவர்களில் 938 பேர் ஆண்கள், 715பேர் பெண்கள். இதன்மூலம் பாதிக்கப்பட்டோரின் எண்ணிக்கை 26 லட்சத்து 43 ஆயிரத்து 683ஆக அதிகரித்துள்ளது.

அதே போல் இன்று சிகிச்சை பெற்றுவருவோரின் எண்ணிக்கை 16 ஆயிரத்து 893ஆக குறைந்துள்ளது. தமிழகத்தில் 298 பரிசோதனை மையங்கள் உள்ளன. இன்று 22பேர் உயிரிழந்துள்ளார். 3 பேர் தனியார் மருத்துவமனைகளிலும், 19பேர் அரசு மருத்துவமனைகளிலும் உயிரிழந்துள்ளனர்.

இதன்மூலம் கொரோனாவால் உயிரிழந்தவர்களின் மொத்த எண்ணிக்கை 35 ஆயிரத்து 310 ஆக அதிகரித்துள்ளது. இன்று 1,581 பேர் கொரோனா தொற்றிலிருந்து குணமடைந்த நிலையில் இதுவரை குணமடைந்தவர்களின் மொத்த எண்ணிக்கை 25 லட்சத்து 91 ஆயிரத்து 480ஆக அதிகரித்துள்ளது.