‘குக் வித் கோமாளி’யில் மணிமேகலை திடீர் விலகல்.... - கொந்தளிக்கும் ரசிகர்கள்...!

குக் வித் கோமாளி நிகழ்ச்சியில் மணிமேகலையின் திடீர் விலகலால் ரசிகர்கள் அதிர்ச்சி அடைந்து கமெண்ட் செய்து வருகின்றனர்.

வி.ஜே.மணிமேகலை

பிரபல சேனல்களில் தொகுப்பாளினியாக அறிமுகமானவர்தான் வி.ஜே.மணிமேகலை. இதனையடுத்து, விஜய் டிவியில் பிரபல நிகழ்ச்சியான ‘குக் வித் கோமாளி’ கலந்து கொண்டு தன்னுடைய நகைச்சுவை திறமையால் மக்களின் மனதை கவர்ந்திழுத்தார்.

இந்த நிகழ்ச்சியால் இவருக்கென்று தனி ரசிகர் பட்டாளமே உருவானது. சமூகவலைத்தளத்தில் எப்போதுமே ஆக்டிவாக இருக்கும் விஜே மணிமேகலை, தனது காதல் கணவர் ஹுசைனுடன் அடிக்கடி எடுத்து கொள்ளும் புகைப்படங்களையும், வீடியோக்களையும் சமூகவலைத்தளங்களில் வெளியிட்டு வருவார்.

கடந்த ஆண்டு செப்டம்பர் மாதம் மணிமேகலை - ஹுசைன் ஜோடி BMW சொகுசு கார் ஒன்றை வாங்கினார். இதை சமூகவலைத்தளத்தில் சந்தோஷமாக வெளியிட்டார்.

கொந்தளிக்கும் ரசிகர்கள்

இந்நிலையில், கடந்த 3 சீசன்களிலும் சரி, இந்த சீசனிலும் சரி ரசிகர்களைப் பெரிதும் கவர்ந்து வந்த மணிமேகலை, தற்போது நிகழ்ச்சியிலிருந்து விலகுவதாக அதிகாரபூர்வமாக அறிவித்துள்ளார்.

இது குறித்து அவர் தனது சமூகவலைத்தள பக்கத்தில்,

“இன்று என்னுடைய கடைசி எபிசோட். நான் வரமாட்டேன் என்பதை நானே வருவேன் கெட்டப் மூலமாக அறிவிக்கிறேன். கடந்த 2019ஆம் ஆண்டு முதல் என் முதல் எபிசோடில் இருந்து என்னுடைய அனைத்து பெர்ஃபாமன்ஸ்களுக்கும் நீங்கள் அன்பும் ஆதரவும் அளித்துள்ளீர்கள். அதற்கு நான் நன்றியுள்ளவளாக இருப்பேன்.

எனக்குக் கொடுக்கப்படும் வாய்ப்புகளில் என்னுடைய முழு சிறப்பையும் வெளிப்படுத்த கூடுதல் முயற்சிகளை எப்போதும் நான் எடுப்பேன். உங்கள் அனைவரையும் குக் வித் கோமாளி மூலமாக மகிழ வைத்துள்ளதாக நம்புகிறேன்.

இந்த அன்பை எப்போதும் எதிர்பார்க்கிறேன் என்று பதிவிட்டார். இந்த பதிவு சமூகவலைத்தளங்களில் வெளியகி ரசிகர்களிடையே பெரும் அதிர்ச்சியை ஏற்படுத்தியுள்ளது.

இதைப் பார்த்த ரசிகர்கள் தங்களுடைய ஆதங்களை சமூகவலைத்தளங்களில் தெரிவித்து வருகின்றனர். உங்களை மிகவும் மிஸ் செய்வோம்... இந்த நிகழ்ச்சியையே உங்களுக்குத்தான் பார்க்கிறோம்.... இது உங்களுடைய கடைசி எபிசோட் என்ற தகவல் எங்களுக்கு அதிர்ச்சியை அளிக்கிறது... இந்த சீசன் ஏற்கெனவே போர் அடிக்கிறது. இப்போ.. மணிமேகலை சென்றுவிட்டால் இன்னும் மோசமாகிவிடும்... என்று கமெண்ட் செய்து வருகின்றனர்.