நெருங்கும் நாடாளுமன்ற தேர்தல் - 2-ம் கட்ட வேட்பாளர் பட்டியலை வெளியிட்டது காங்கிரஸ்!

நாடாளுமனற தேர்தலுக்கான 2-ம் கட்ட வேட்பாளர் பட்டியலை காங்கிரஸ் வெளியிட்டுள்ளது.

காங்கிரஸ் கட்சி

நாடாளுமன்ற தேர்தல் நெருங்கி வரும் நிலையில், நாடு முழுவதும் அரசியல் கட்சிகள் கூட்டணி, தொகுதிப் பங்கீடு, வேட்பாளர்கள் தேர்வு என தேர்தல் பணிகளில் தீவிரமாக ஈடுபட்டு வருகின்றனர்.

இதனிடையே கேரளா உள்ளிட்ட மாநிலங்களில் போட்டியிடும் 39 தொகுதிகளுக்கான முதல் கட்ட வேட்பாளர் பட்டியலை கடந்த வாரம் காங்கிரஸ் வெளியிட்டிருந்தது. இந்நிலையில் நாடாளுமனற தேர்தலுக்கான 2-ம் கட்ட வேட்பாளர் பட்டியலை காங்கிரஸ் வெளியிட்டுள்ளது.

வேட்பாளர் பட்டியல் 

இதனை அக்கட்சியின் பொதுச்செயலாளர் கே.சீ.வேணுகோபால் வெளியிட்டார். அதில் அசாம், மத்திய பிரதேசம், ராஜஸ்தான் உள்ளிட்ட மாநிலங்களில் போட்டியிடும் வேட்பாளர் பட்டியல் வெளியாகியுள்ளது.

அசோக் கெலாட்டின் மகன் வைபர் கெலாட் ஜல்லூர் (ராஜஸ்தான்) தொகுதியிலும், கமல்நாத் மகன் நகுல் நாத் சிந்த்வாரா (மத்திய பிரதேசம்) தொகுதியிலும் போட்டியிடுகின்றனர்.