யோகி பாபு மீது காவல் நிலையத்தில் மோசடி புகார்; பணத்தை தராமல் ஏமாற்றுகிறார் - கதறும் நபர்!

நடிகர் யோகி பாபு மீது தயாரிப்பாளர் ஒருவர் மோசடி புகார் அளித்துள்ளார்.

நடிகர் யோகி பாபு

யோகி பாபு தமிழ் சினிமாவில் முக்கிய நட்சத்திரமாக இருந்து வருகிறார். காமெடியனாகவும், ஹீரோவாகவும் பிசியாக நடித்து வருகிறார். அண்மையில் நெல்சன் இயக்கத்தில் ரஜினிகாந்த் நடித்த 'ஜெயிலர்' திரைப்படத்தில் யோகி பாபு நடித்திருக்கிறார்.

இந்த படம் இப்போது திரையரங்குகளில் வெற்றிகரமாக ஓடிக்கொண்டிருக்கிறது. இந்நிலையில் சென்னை விருகம்பாக்கத்தில் ROOBY பிலிம்ஸ் என்ற பெயரில் திரைப்பட தயாரிப்பு நிறுவனம் நடத்தி வரும் ஹாசிர் என்பவர் யோகி பாபு மீது காவல் நிலையத்தில் புகார் ஒன்றை அளித்துள்ளார்.

புகார்

தயாரிப்பாளர் ஹாசிர் 'ஜாக் டேனியல்' என்ற திரைப்படத்தை தயாரிக்க முடிவு செய்துள்ளார். இந்த படத்தில் நடிப்பதற்காக யோகி பாபுவிடம் ரூ.65 லட்சம் பேசி முன் பணமாக ரூ.20 லட்சம் காசோலையாக கொடுத்துள்ளார் ஹாசிர்.

[

இந்நிலையில் படத்தின் ஷூட்டிங் தொடங்கியதும் நடிப்பதற்காக யோகிபாபுவை தயாரிப்பு நிறுவனம் அழைத்ததாகவும், ஆனால் யோகிபாபு வராமல் ஏமாற்றி வருவதாகவும் புகாரில் குறிப்பிடப்பட்டுள்ளது. இதனால் பணத்தை திருப்பி தரும்படி கேட்டபோது, தராமல் யோகி பாபு ஏமாற்றி வந்ததாகவும் விருகம்பாக்கம் காவல் நிலையத்தில் ஹாசிர் புகார் அளித்துள்ளார். இதுகுறித்து போலீசார் விசாரணை மேற்கொண்டு வருகின்றனர்.