இராஜராஜ சோழனின் 1041-வது சதய விழா: முதலமைச்சர் விஜய் புகழஞ்சலி

தஞ்சாவூர் பெரிய கோயிலைக் கட்டிய மாமன்னன் இராஜராஜ சோழனின் 1041-வது சதய விழாவை முன்னிட்டு, தமிழ்நாடு முதலமைச்சர் விஜய் அவருக்குப் புகழஞ்சலி செலுத்தியுள்ளார்.

1041-வது சதய விழா

இராஜராஜ சோழன் பிறந்த ஐப்பசி மாத சதய நட்சத்திர நாளில் ஆண்டுதோறும் சதய விழா கொண்டாடப்படுகிறது. இந்த ஆண்டு விழா அரசு விழாவாக இரண்டு நாட்கள் நடைபெறுகிறது.

இதுகுறித்து முதலமைச்சர் விஜய் வெளியிட்டுள்ள செய்தியில், இராஜராஜ சோழன் தமிழர்களின் பெருமையையும், கட்டடக்கலை மற்றும் நிர்வாகத் திறனையும் உலகிற்கு எடுத்துக்காட்டிய மாமன்னர் எனப் புகழாரம் சூட்டியுள்ளார்.

ஆயிரம் ஆண்டுகளைக் கடந்தும் கம்பீரமாக நிற்கும் தஞ்சைப் பெரிய கோயில், தமிழர்களின் கலை, பண்பாடு மற்றும் கட்டடக்கலைச் சிறப்பை உலகிற்கு எடுத்துரைப்பதாகவும் அவர் குறிப்பிட்டுள்ளார்.

மேலும், தமிழர்களின் வரலாற்றையும் பண்பாட்டையும் போற்றிப் பாதுகாத்து, அடுத்த தலைமுறைக்குக் கொண்டு செல்ல வேண்டும் என்றும் முதலமைச்சர் விஜய் தெரிவித்துள்ளார்.

தமிழர்களின் பெருமையையும், தமிழர் கட்டடக்கலை மற்றும் நிர்வாகத் திறனின் மகத்துவத்தையும் உலகரங்கில் நிலைநாட்டிய மாமன்னர் இராஜராஜ சோழனின் 1041-ஆவது சதய விழா நன்னாளில் அவருக்கு எனது புகழ் வணக்கங்கள்! ஆயிரம் ஆண்டுகள் கடந்தும் கம்பீரமாக நிற்கும் தஞ்சைப் பெரிய கோயில் மூலம் தமிழர்களின் கலை, பண்பாடு மற்றும் கட்டடக்கலைச் சிறப்பை உலகிற்குப் பறைசாற்றிய அவரது வரலாற்றுப் பெருமை என்றும் நிலைத்து நிற்கும்! தமிழர் பெருமையைப் போற்றுவோம்! தமிழர் வரலாற்றையும், பண்பாட்டையும் அடுத்த தலைமுறைக்குக் கொண்டு செல்வோம்! #CMJosephVijay‌

— CMOTamilNadu (@CMOTamilnadu) October 22, 2026