உலகக் கோப்பை செஸ் தொடர்; வெள்ளிப்பதக்கம் வென்ற பிரக்ஞானந்தாவிற்கு முதலமைச்சர் மு.க.ஸ்டாலின் வாழ்த்து!
உலக கோப்பை செஸ் தொடரில் வெள்ளிப்பதக்கம் வென்ற பிரக்ஞானந்தாவிற்கு முதலமைச்சர் மு.க.ஸ்டாலின் வாழ்த்து தெரிவித்துள்ளார்.
உலகக் கோப்பை செஸ் தொடர்
அஜர்பைஜானில் உள்ள பாகு நகரில் நடைபெற்றது. இதன் அரை இறுதி ஆட்டத்தில் பிரக்ஞானந்தா, உலகத் தரவரிசையில் 2-வது இடத்தில் உள்ள அமெரிக்காவின் ஃபேபியானோ கருனாவுடன் மோதினார். இவர்கள் இருவரும் நேற்று முன்தினம் மற்றும் நேற்று விளையாடிய இரண்டு ஆட்டமும் டிராவில் முடிந்தது.
அதனால் டை பிரேக்கர் மூலம் பிரக்ஞானந்தா வெற்றி பெற்றார். தொடர்ந்து, பிரக்ஞானந்தா அடுத்து இறுதி ஆட்டத்தில் 'நம்பர் ஒன்' வீரரும், 5 முறை உலக சாம்பியனுமான மாக்னஸ் கார்ல்செனுடன் (நார்வே) மோதினார். அதில் 2 போட்டிகளும் டிராவில் முடிந்தது.
இந்நிலையில் இன்று நடைபெற்ற இறுதிப்போட்டி டிரை பிரேக்கரில் மாக்னஸ் கார்ல்சென் 2023 உலகக்கோப்பையை வென்றார். இறுதிவரை அவருக்கு நெருக்கடி கொடுத்து போராடி தமிழக வீரர் பிரக்ஞானந்தா தோல்வியை தழுவி வெள்ளிப்பதக்கம் வென்றார்.
மு.க.ஸ்டாலின் வாழ்த்து
இந்நிலையில் பிரக்ஞானந்தாவிற்கு தமிழக முதலமைச்சர் மு.க.ஸ்டாலின் வாழ்த்துக்களை தெரிவித்துள்ளார். இதுகுறித்து அவர் வெளியிட்டுள்ள ட்விட்டர் பதிவில் 'உலகக் கோப்பை செஸ் போட்டியில் அற்புதமான ஆட்டத்தை வெளிப்படுத்திய, சென்னையின் பெருமையாக விளங்கும் பிரக்ஞானந்தாவிற்கு மனமார்ந்த வாழ்த்துக்கள்.
Heartfelt congratulations to #Chennai's pride, @rpragchess, on your outstanding performance in the 2023 #FIDEWorldCup!
— M.K.Stalin (@mkstalin) August 24, 2023
Your journey to the final, defeating world #2 Nakamura and #3 Caruana, has left us all awestruck. Despite the final result, your achievement resonates with 140… pic.twitter.com/YWzmltZuv9
மேலும் முன்னனி செஸ் வீரர்கள் நகமுரா மற்றும் காராவ்னா ஆகியோரை வீழ்த்தி பிரக்ஞானந்தா இறுதிப் போட்டிக்கு முன்னேறியது அனைவரையும் வியப்பில் ஆழ்த்தியுள்ளது. பிரக்ஞானந்தாவின் சாதனை 140 கோடி கனவுகளுடன் எதிரொலிக்கிறது என்றும், முழு தேசமும் அவரை நினைத்து பெருமை கொள்கிறது என்றும் முதலமைச்சர் மு.க.ஸ்டாலின் தெரிவித்துள்ளார்.
