தீபாவளிக்கு ரிலீஸான அமரன் திரைப்படம் - முதலமைச்சர் மு.க.ஸ்டாலின் சொன்ன வார்த்தை!

  நடிகர் சிவகார்த்திகேயனின் 'அமரன்' படத்திற்கு முதலமைச்சர் மு.க.ஸ்டாலின் வாழ்த்து தெரிவித்துள்ளார்.

அமரன்

இயக்குநர் ராஜ்குமார் பெரியசாமி இயக்கத்தில் சிவகார்த்திகேயன் நடித்துள்ள ‘அமரன்’ திரைப்படம் தீபாவளி பண்டிகையை முன்னிட்டு இன்று (அக் 31-ம் தேதி) திரையரங்குகளில் வெளியானது. இந்த படத்தை கமல்ஹாசனின் ராஜ் கமல் ஃபிலிம்ஸ் இண்டர்நேஷனல் மற்றும் சோனி பிக்சர்ஸ் இணைந்து தயாரித்து உள்ளது. ஜி.வி பிரகாஷ் இசையமைத்துள்ளார்.

ராணுவ மேஜர் முகுந்த் வரதராஜனின் வாழ்வில் நடந்த சம்பவங்கள் அடிப்படையாகக் கொண்டு உருவாக்கப்பட்டுள்ளது. இந்த நிலையில் தமிழக முதலமைச்சர் முக ஸ்டாலின் அமரன்' திரைப்படத்தைப் பார்த்துப் படக்குழுவிற்கு வாழ்த்து தெரிவித்துள்ளார். இது குறித்து முதல்வர் வெளியிட்டுள்ள எக்ஸ் தளப் பதிவில்..

தேவர் ஜெயந்தி.. முத்துராமலிங்க தேவர் நினைவிடத்தில் முதல்வர் மு.க.ஸ்டாலின் மரியாதை!

நண்பர் கலைஞானி @ikamalhaasan அவர்களது அன்பு அழைப்பை ஏற்று, நேற்று #அமரன் திரைப்படம் பார்த்தேன். புத்தகங்களைப் போல் - திரைப்பட வடிவிலும் உண்மைக் கதைகளை இன்றைய இளைஞர்களிடம் கொண்டு சேர்ப்பது மகிழ்ச்சியளிக்கிறது!

மு.க.ஸ்டாலின் வாழ்த்து

தமிழ்நாட்டைச் சேர்ந்த இராணுவ வீரர் மேஜர் முகுந்த் வரதராஜன் அவர்களது வீரத்தையும் அர்ப்பணிப்பையும் உணர்வுப்பூர்வமாகப் படமாக்கியுள்ள இயக்குநர் @Rajkumar_KP, மேஜர் முகுந்த் வரதராஜன் - திருமிகு. இந்து ரெபேக்கா வர்கீஸ் ஆகியோரது பாத்திரங்களைத் தங்களது நடிப்பால் சிறப்பாக வெளிப்படுத்திய தம்பி @Siva_Kartikeyan , @Sai_Pallavi92

மற்றும் #Amaran படக்குழுவினர் அனைவருக்கும் என்னுடைய வாழ்த்துகள்! நாட்டைப் பாதுகாக்கும் நமது இராணுவ வீரர்களுக்கும் - நம் நினைவில் வாழும் மேஜர் முகுந்த் வரதராஜன் அவர்களுக்கும் Big Salute! என தெரிவித்துள்ளார்.