அறுவை சிகிச்சைக்காக லண்டனுக்கு சென்ற நடிகர் சித்தார்த் : அதிர்ச்சியில் ரசிகர்கள்!

தென்னிந்திய திரையுலகில் பிரபலமான நடிகராக இருப்பவர் நடிகர் சித்தார்த். இவர் தற்போது தெலுங்கில் சர்வானந்துடன் இணைந்து நடித்துள்ள மகாசமுத்திரம் படத்தில் நடித்திருக்கிறார்.

கடந்த சில தினங்களுக்கு முன்பு மகாசமுத்திரம் படத்தின் டரெய்லர் வெளியீட்டு விழா ஐதராபாத்தில் நடந்தது. சர்வானந்த் கலந்து கொண்ட இந்த நிகழ்வில், சித்தார்த் கலந்து கொள்ளவில்லை.

அதனையடுத்து, அப்படத்தின் இயக்குனரான அஜய் பூபதி பேசுகையில், சித்தார்த் இந்த விழாவில் கலந்து கொள்ளாததற்கு காரணம் அவர் ஒரு அறுவை சிகிச்சைக்காக லண்டன் சென்றுள்ளார் என்று கூறினார். ஆனால், என்ன அறுவை சிகிச்சைக்காக அவர் லண்டன் சென்றிருக்கிறார் என்பது பற்றி அவர் கூறவில்லை.