சந்திரமுகி 2ம் பாகத்தில் ஜோதிகா வேடத்தில் நடிக்கப்போவது யார்ருன்னு தெரியுமா?

கடந்த 2005ம் ஆண்டு பி.வாசு இயக்கத்தில் ரஜினிகாந்த், ஜோதிகா, நயன்தாரா, வடிவேலு உள்ளிட்டோர் நடிப்பில் வெளியான படம்தான் ‘சந்திரமுகி’. நகைச்சுவை கலந்த ‘திகில்’ படமாக உருவான இந்தப் படம் ரசிகர்களிடையே மாபெரும் வரவேற்பு கிடைத்தது. தற்போது இந்தப் படத்தின் 2ம் பாகம் உருவாகிறது.

இந்தப் படத்தின் 2ம் பாகத்தில் ரஜினி வேடத்தில் ராகவா லாரன்ஸ் நடிக்கிறார். சந்திரமுகியின் முதல் பாகத்தில் ரஜினிகாந்த் வேடத்தை விட ஜோதிகாவின் வேடத்திற்கு முக்கியத்துவம் அளிக்கப்பட்டிருந்தது.

இந்நிலையில், 2ம் பாகத்தில் ஜோதிகாவின் வேடத்தில் நடிப்பது யார் என்ற எதிர்பார்ப்பு ரசிகர்களிடையே எழுந்து வந்தது.

இந்நிலையில், ஜோதிகாவின் வேடத்தில் அனுஷ்கா நடிக்கவிருப்பதாக தகவல் வெளியாகியுள்ளது. முன்னதாக சந்திரமுகி திரைப்படத்தில் வேட்டையன் சம்மந்தப்பட்ட காட்சிகள் மிகக் குறைவாகவே இடம் பெற்றிருந்தன.

ஆனால், சந்திரமுகி 2ம் பாகத்தில் முழுக்க வேட்டையன் வேடத்தை மையப்படுத்தியே கதை அமைக்கப்பட இருப்பதாக தகவல் வெளியாகி இருக்கிறது.