சொந்தமாக மிக பிரமாண்டமாக தியேட்டர் திறக்கிறார் விஜய் தேவரகொண்டா - குவியும் வாழ்த்துக்கள்

நடிகர் விஜய் தேவரகொண்டா பிரம்மாண்டமான புதிய சினிமா தியேட்டர் ஒன்றைத் தொடங்கி இருக்கிறார். விஜய் தேவரகொண்டா தற்போது இந்திய அளவில் முன்னணி நடிகராக உருவாகி இருக்கிறார்.

இவருக்கென்று அதிகம் ரசிகர்கள் பட்டாளம் உள்ளது. இளம் நடிகர் என்ற பெருமையும் இவர் பெற்றிருக்கிறார். தற்போது விஜய் தேவரகொண்டா தனது நீண்ட நாள் கனவு நனவானதாகத் தெரிவித்திருக்கிறார். வரும் வெள்ளிக்கிழமை விஜய் தேவரகொண்டா தனது சொந்த தியேட்டரை திறக்க இருக்கிறார்.

ஏ.வி.டி. சினிமாஸ் என்ற பெயரில் இந்த தியேட்டரை துவங்குகிறார். இது விஜய் மற்றும் ஏசியன் சினிமாஸுக்குச் சொந்தமானது. செப்டம்பர் 24ம் தேதி நாகசைதன்யா மற்றும் சாய் பல்லவி நடிப்பில் வெளியாக இருக்கும் லவ் ஸ்டோரி படத்தின் மூலம் தியேட்டர் தனது பயணத்தைத் துவங்க இருக்கிறது. இந்த ஆடம்பர மல்டிப்ளக்ஸ் மஹபூப்நகரில் அமைந்துள்ளது.

விஜய் தேவரகொண்டா ஒரு வீடியோவைப் பகிர்ந்து, செய்தியை அறிவித்துள்ளார். இது குறித்து அவர், "ஒரு நடிகராக வேண்டும் என்ற கனவில் இருந்து இப்போது என்னுடைய சொந்த மல்டிப்ளெக்ஸ் சினிமாவை சொந்தமாக்கும் வரை வந்திருக்கிறன். ஏசியன் விஜய் தேவரகொண்டா சினிமாஸ் அனைவருடனும் பகிர்ந்து கொள்கிறேன்.

செப்டம்பர் 24, 2021 முதல் மஹ்பூப்நகரில் 1வது ஏவிடி அதிகாரப்பூர்வமாக திறக்கப்படும். தனது பெற்றோரின் சொந்த ஊரில் ஒரு தியேட்டர் வைத்திருப்பதில் பெருமைப்படுகிறேன் என்று கூறினார். இதனையடுத்து, நடிகர் விஜய் தேவரகொண்டாவிற்கு பலரும் வாழ்த்துக்கள் தெரிவித்து வருகிறார்கள்.