சர்வதேச விருதுடன் ‘சூர்யா - ஜோதிகா’ - வீடியோ வைரலானது
கடந்த ஆண்டு தீபாவளி பண்டிகையையொட்டி, சூர்யா நடித்த ‘சூரரைப் போற்று’ படம் அமேசான் ஓடிடியில் வெளியானது.
இப்படம் தமிழ், தெலுங்கு ஆகிய இரு மொழிகளில் வெளியிடப்பட்டது. மேலும் இப்படத்தை சூர்யாவின் 2டி நிறுவனம் தயாரித்தார். ஜி.வி. பிரகாஷ் இப்படத்திற்கு இசையமைத்தார்.
இந்நிலையில் சமீபத்தில் நடைபெற்ற மெல்போர்ன் சர்வதேச திரைப்பட விழாவில் ‘சூரரைப் போற்று’ படத்துக்கு ‘சிறந்த படம் மற்றும் சிறந்த நடிகர்’ ஆகிய இரண்டு விருதுகளை பெற்றது. கொரோனா அச்சுறுத்தல் காரணமாக இந்த விருது விழா ஆன்லைனில் மட்டுமே நடைபெற்றது.
தற்போது மெல்போர்ன் சர்வதேச திரைப்பட விழாவில் ‘சூரரைப் போற்று’ படம் வென்ற விருதை சென்னைக்கு அனுப்பி வைக்கப்பட்டுள்ளது. அந்த விருது நடிகர் சூர்யா கைவசம் கிடைத்தபோது எடுத்த வீடியோ தற்போது சமூக வலைதளங்களில் வெளியாகியுள்ளது.
இந்த வீடியோ வைரலாகி வருகிறது. ‘கடின உழைப்புக்கு கிடைத்த விருது’ என நடிகர் சூர்யா அந்த வீடியோவில் தெரிவித்திருக்கிறார்.
