‘பிக்பாஸ் சீசன் 5 ஆரம்பம்’: இன்று மாலை முக்கிய அறிவிப்பு

பிக் பாஸ் தமிழ் நிகழ்ச்சியின் 5வது சீசன் தொடர்பான முக்கிய அறிவிப்பு இன்று மாலை வெளியாக இருப்பதாக தகவல்கள் தெரிவிக்கப்பட்டுள்ளது.

இந்தி, தெலுங்கு, மலையாளம், தமிழ் என அனைத்து மொழிகளிலும் மக்கள் மத்தியில் நல்ல வரவேற்பைப் பெற்ற நிகழ்ச்சி என்றால் அது பிக் பாஸ்தான். தமிழில் கடந்த 4 ஆண்டுகளாக விஜய் டிவியில் பிக்பாஸ் நிகழ்ச்சி ஒளிபரப்பப்பட்டு வருகிறது. நடிகர் கமல்ஹாசன் இந்நிகழ்ச்சியை தொகுத்து வழங்கி வருகிறார்.பிக் பாஸ் சீசன் 1 மற்றும் 3 சூப்பர் ஹிட்டானது.

நான்காவது சீசன் கொரோனா காலக் கட்டத்தில் கடுமையான கட்டுப்பாடுகளுடன் நடந்து முடிந்தது. இந்நிலையில், பிக் பாஸ் 5வது சீசன் அக்டோபர் மாதத்தில் தொடங்கவுள்ளதாகவும், அதற்கான புரோமோ சூட்டிங்கை கமல்ஹாசன் முடித்துவிட்டதாகவும் அண்மையில் தகவல்கள் வெளி வந்தன. விஜய் டிவியை சேர்ந்தவர்கள் சிலர் புரோமோவின் புகைப்படங்கள் சிலவற்றையும் வெளியிட்டிருந்தனர்.

இந்நிலையில், 5ஆவது சீசன் வரும் அக்டோபர் 3ம் தேதி முதல் ஒளிபரப்பப்பட இருப்பதாகவும், அதற்கான அதிகாரப்பூர்வ அறிவிப்பு இன்று மாலை வெளியாக உள்ளதாகவும் தகவல் வெளிவந்துள்ளன. இந்நிலையில், விஜய் டிவி தன்னுடைய ட்விட்டர் பக்கத்தில் மியூட் செய்யப்பட்ட வீடியோவை பகிர்ந்துள்ளது.

அதில், இன்று மாலை 5.55 மணிக்கு முக்கிய அறிவிப்பு வெளியாக உள்ளதாக பதிவிடப்பட்டிருக்கிறது. பிக் பாஸ் சீசன் 5ல் சரவணன் மீனாட்சி புகழ் ரட்சிதா, குக் வித் கோமாளி டைட்டில் வின்னர் கனி, சுனிதா, ஷகிலா மகள் மிலா, பவானி ரெட்டி உள்ளிட்ட பலர் பங்கேற்க இருப்பதாக கூறப்பட்டு வருகிறது. 

? 5:55 pm ? pic.twitter.com/krUVWXexXH

— Vijay Television (@vijaytelevision) August 31, 2021