பிரபல நடிகைக்கு திடீர் திருமணம் - ரசிகர்களின் வாழ்த்து மழையில் நனையும் தம்பதிகள்!

நடிகை லிஜோமோல் ஜோஸ் தனது திருமண புகைப்படங்களை தனது சமூக வலைதளப் பக்கத்தில் வெளியிட்டிருக்கிறார்.

தமிழ் திரையுலகில் கடந்து 2019-ம் ஆண்டு சசி இயக்கத்தில் ஜி.வி.பிரகாஷ் நடிப்பில் வெளியான சிவப்பு மஞ்சள் பச்சை படம் மூலம் அறிமுகமானவர்தான் நடிகை லிஜோமோல் ஜோஸ். இவர் இப்படத்தில் சித்தார்த்துக்கு ஜோடியாக நடித்தார்.

இதனையடுத்து, ஞானவேல் இயக்கத்தில் சூர்யா நடிப்பில் உருவாகியுள்ள ‘ஜெய் பீம்’ படத்தில் முக்கிய வேடத்தில் நடித்திருக்கிறார். வருகிற நவம்பர் 2ம் தேதி இப்படம் நேரடியாக அமேசான் பிரைமில் வெளிவர உள்ளது. மேலும், மலையாள நடிகையான லிஜோமோல் ஜோஸ் தற்போது மலையாளத்தில் பல முன்னணி நடிகர்களின் படங்களில் பிஸியாக நடித்து வருகிறார்.

இந்நிலையில், லிஜோமோல் ஜோஸுக்கு கேரளாவை சேர்ந்த அருண் ஆண்டனி என்பவருடன் கிறிஸ்துவ முறைப்படி நேற்று திருமணம் நடந்துள்ளது. இத்திருமணத்தில் நெருங்கிய உறவினர்கள், நண்பர்கள் மட்டுமே கலந்து கொண்டிருக்கிறார்கள்.

தற்போது தனது திருமண புகைப்படங்களை லிஜோமோல் ஜோஸ் தனது சமூக வலைதளப்பக்கத்தில் வெளியிட்டிருக்கிறார். இதைப் பார்த்த அவரது ரசிகர்களும், திரையுலக பிரபலங்களும் வாழ்த்துக்கள் தெரிவித்து வருகிறார்கள்.