சர்ச்சை இயக்குனருடன் மீண்டும் இணைய இருக்கிறாரா நடிகை சமந்தா?
‘பேமிலி மேன் 2’ இயக்குனரின் அடுத்த வெப் தொடரில் நடிகை சமந்தா நடிக்க இருப்பதாக தகவல்கள் வெளியாகி இருக்கிறது.
தமிழகத்தில் கடும் எதிர்ப்புகளுக்கு மத்தியில் வெப் தொடர் ‘தி பேமிலி மேன் 2’ வெளியானது. இதில், நடிகை சமந்தா ரொம்ப சிறப்பாக தன் நடிப்பை வெளிப்படுத்தியிருப்பார். இத்தொடர் கடந்த மே மாதம் அமேசான் பிரைமில் வெளியாகி நல்ல வரவேற்பை பெற்றது. இந்த வெப் தொடரை இயக்குனர்கள் ராஜ் மற்றும் டி.கே ஆகியோர் இணைந்து இயக்கினர்.
இதில் மனோஜ் பாஜ்பாய், பிரியாமணி உள்ளிட்டோர் முக்கிய கதாபாத்திரங்களில் நடித்திருக்கிறார்கள். இந்த வெப் தொடரில் இலங்கை தமிழ் பெண்ணாக உள்ள சமந்தாவை தீவிரவாதியாக காட்டி இருக்கிறார்கள்.
இந்த வெப் தொடரில் சமந்தா நடித்தது ஒருபக்கம் சர்ச்சையை ஏற்படுத்தியிருந்தாலும், மற்றொரு பக்கம் சமந்தாவின் நடிப்புக்கு பாராட்டுக்கள் குவிந்து வந்தன.
இந்நிலையில், பேமிலி மேன் 2 இயக்குனர்களின் புதிய வெப் தொடர் சமந்தா நடிக்க இருப்பதாக தகவல் வெளியாகி இருக்கிறது. இத்தொடரில் முந்தைய தொடரை விட அழுத்தமான கதாபாத்திரத்தில் நடிகை சமந்தா நடிக்க இருப்பதாக சொல்லப்படுகிறது.
